+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Elordada bıyl úı kezeginde turǵandarǵa áleýmettik jeńildikpen 10 myń páter salynady

2021 jylǵy 10 maýsym 17:53
Bólisińiz:
Elordada bıyl úı kezeginde turǵandarǵa áleýmettik jeńildikpen 10 myń páter salynady

NUR-SULTAN. QazAqparat - Nur-Sultan ákimdigi elordalyqtardyń turǵyn úı jaǵdaıyn jaqsartýǵa erekshe kóńil bóledi. Bıyl kezekte turǵandar úshin 10 myń áleýmettik jeńildikti páter salynady.

Uqsas jańalyqtar
Elorda polıtseıleri eki esirtki satýshysyn ustady Tımýr Muratov: Vaktsına pasportyn qoldan jasatý reanımatsııaǵa bılet satyp alýmen teń Reanımatsııada jatqandardyń ishinde vaktsına alǵan naýqastar joq – Tımýr Muratov

Bul týraly QazAqparat elorda ákimdiginiń resmı saıtyna silteme jasap habarlaıdy.

Joǵaryda aıtylǵan páterler kezekke sáıkes bólinedi. Áleýmettik jeńildikti turǵyn úı áleýmettik osal sanattarǵa arnalǵan. Olardyń qatarynda erekshe qajettilikteri bar balalardy tárbıelep otyrǵan analar, jetim balalar, tolyq emes otbasylar, kópbalaly otbasylar, múgedekter, zeınetkerler, UOS qatysýshylary jáne t.b. bar. Al áleýmettik páterler kezekte turǵan Otbasy bankiniń (Turǵyn úı qurylys jınaq banki) salymshylaryna arnalǵan. Sondaı-aq, ákimdik jastar, erekshe qajettilikteri bar balalardy tárbıelep otyrǵan otbasylar, kópbalaly jáne basqa da sanattar úshin daıyn páterlerdi satyp alady.

Muqtaj jandarǵa páter kiltteri jyl boıy beriledi. Mysaly, 2018 jyly 1800 áleýmettik páter, 2019 jyly 2900 áleýmettik páter salynsa, 2020 jyly 7 myń jeńildikti páter qoldanysqa berildi. Al bıyl Memleket basshysynyń tapsyrmasy boıynsha qoljetimdi turǵyn úı sany artyp, 10 myń áleýmettik páter salynady. Tek sońǵy úsh jyldyń ishinde áleýmettik páterler sany 5,5 eseden astam artatyn bolady. Muqtaj otbasylar kezekti úı kiltin bıyl shilde aıynda alady. Mysaly, áleýmettik qoljetimdi turǵyn úı qurylysy qalanyń barlyq aýdanynda júrgizilýde. Mysaly, Otaý, Jaǵalaý shaǵyn aýdanynda, Prıgorodnyı turǵyn alabynda, Sh.Qudaıberdiuly, R.Qoshqarbaev kóshelerinde, jańa vokzal aýdanynda jáne t.b.

Sonymen qatar, bıyl Elbasynyń bastamasymen qolǵa alynǵan «Jumys isteıtin jastarǵa jalǵa beriletin turǵyn úı» baǵdarlamasy da jalǵasatyn bolady. Osy baǵdarlama aıasynda jyl sońyna deıin taǵy bir myńnan astam jas baspanaly bolady. Osy myń páterden bólek, bıyl jyl basynda 350 jas baspanaly boldy. Sonymen qatar 2021 jyly jastar úshin arnaıy turǵyn úı baǵdarlamasy (áleýmettik kredıtteý) iske qosylady.

Sondaı-aq, qazaqstandyq turǵyn úı kompanııasy (QIK) jelisi boıynsha turǵyn úı baǵdarlamasyna qatysýshylardyń sanaty keńeıtildi. Endi bul baǵdarlamaǵa medıtsına qyzmetkerleri, pedagogtar, áleýmettik qyzmetkerler, órt sóndirýshiler, tártip saqshylary, mádenıet jáne sport qaıratkerleri qatysa alady. Budan basqa, turǵyn úı sertıfıkattarynyń somasy 1-den 1,5 mln teńgege deıin ulǵaıtyldy. Al turǵyn úı sertıfıkatyn alýshylardyń sanaty keńeıtildi.

Taǵy bir mańyzdy pýnkt qaýipti kóppáterli turǵyn úı keshenderin jóndeý, eski jáne avarııalyq turǵyn úılerdi buzý, kópqabatty turǵyn úılerdiń qurylysyn aıaqtaý bolyp sanalady. Máselen, ótken jyly elordada 50-den astam kóppáterli turǵyn úı kesheni jóndeldi. Sońǵy eki jylda apatty jaǵdaıdaǵy eski úılerden 400-den astam otbasy kóshirildi. Bıyl taǵy da 200-den astam otbasyn kóshirý jáne olar úshin jaıly, al eń bastysy ómir súrý úshin qaýipsiz jaǵdaı jasaý josparlanyp otyr.

Sondaı-aq, úlestik qurylys nysandaryn aıaqtaý jumystary júrgizilýde. Bir jarym jyl ishinde (2019 jyldyń jazynan 2020 jyldyń sońyna deıin) uzaq qurylys sany eki eseden astam azaıdy. Bıyl 50-den astam kóppáterli turǵyn úılerdiń qurylysyn aıaqtaý josparlanýda. Kópten kútken páter kiltin taǵy 7 myń úlesker alady.

Elordalyqtardyń turǵyn úı máselesin jaqsartý qala ákimdigi qyzmetiniń mańyzdy baǵyttarynyń biri bolyp sanalady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT