Elordada bitimgerlerge BUU Halyqaralyq kýrsynyń sertıfıkattary tabys etildi
2021 jylǵy 22 qarasha 22:35

Elordada bitimgerlerge BUU Halyqaralyq kýrsynyń sertıfıkattary tabys etildi

NUR-SULTAN. QazAqparat - Qazaqstan Qorǵanys mınıstrliginiń bitimgershilik daıyndyq ortalyǵynda «BUU-nyń Azamattyq turǵyndardy qorǵaý – United Nations Protection of Civilians Course» (UNPOCC) halyqaralyq sertıfıkattalǵan kýrsy aıaqtaldy, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Bangladesh, Brazılııa, Qazaqstan, Mavrıtanııa, Mozambık, Nıgerııa, Pákistan, Saýd Arabııasy jáne Fınlıandııadan kelgen jıyrma áskerı qyzmetshige oqýdy aıaqtaǵany jóninde sertıfıkattar berildi.

Eki apta boıy qazaqstandyq nusqaýshylar tyńdaýshylardy bitimgerlik operatsııalardy júrgizýdegi Birikken Ulttar Uıymynyń azamattyq turǵyndary qorǵaý jónindegi negizgi qaǵıdattarmen, qundylyqtarmen jáne quzyrettermen tanystyrdy. Genderlik aspektilerdi, adamnyń minez-qulqy men qaýipsizdik kodeksin, sonyń ishinde COVID-19 jóninde habardar bolýdy arttyrý protsedýralaryn zertteýge erekshe nazar aýdaryldy.

Kýrs kezinde BUU Adam quqyqtary jónindegi Joǵarǵy komıssary Bıýrosynyń, qarýly kúshtermen jumys jónindegi Halyqaralyq Qyzyl Krest komıtetiniń, ShYU jáne UQShU Óńirlik terrorızmge qarsy qurylymynyń ókilderi de dárister ótkizdi.

Mavrıtanııadan kelgen tyńdaýshy polkovnık Zeın Sýıdat oqytýdy sapaly uıymdastyrǵany úshin qazaqstandyq tarapqa alǵysyn bildirdi. Ol bitimgershilik daıyndyq ortalyǵyndaǵy oqytýshylardyń kásibı sheberligin tilge tıek etip, jınaqtaǵan bilim bitimgerlik operatsııalar barysynda jáne kúndelikti qyzmettegi mindetterdi oryndaýda paıdaly ekenin atap ótti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT