+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elordada birneshe kópir salynady

2020 jylǵy 19 qańtar 15:31
Bólisińiz:
Elordada birneshe kópir salynady

NUR-SULTAN. QazAqparat - Qala turǵyndarymen jáne bıznes uıymdar «Nur-Sultan - turǵyndarǵa jaıly qala» atty elordany odan ári damytý jospary talqylandy, dep habarlaıdy qala ákimdiginiń resmı saıty.

Basqosýda jaıaý júrginshiler úshin qolaıly jaǵdaı jasaý, kóportalyqqa baǵyttalǵan tásilderdi engizý, kóshelerdiń avtokólikter júretin joldaryn keńeıtý, velojoldardy ulǵaıtý, kópirler salý jáne qalany damytý boıynsha basqa da ózekti máseleler qozǵaldy.

Ýrbanıstıka ortalyǵynyń basshysy Ashat Sadýovtyń aıtýynsha, elordany odan ári damytý jospary strategııalyq jáne taktıkalyq maqsattardy qamtıdy. Qazirgi tańda elorda ınfrastrýktýrasyna qarasaq, ár aýdannyń óz ortalyǵy bar. Bul degenimiz qalamyzdyń kóportalyqty bolýy. Qyzmet alý ne bos ýaqytty ótkizý úshin qalanyń basqa shetine barýdyń qajeti joq, turǵyndarǵa qajet barlyq jerler jaqyn jerde ornalasady.

«Máselen, ortalyqtar arasyndaǵy basty kedergi - ózen ústinde kópirlerdiń bolmaýy. Ortalyqtardy baılanystyryp turatyn kópirler sanyn kóbeıtýdi josparlap otyrmyz. Kópirler Táýelsizdik dańǵyly, Uly Dala, Qorǵaljyn tas joly, Qabanbaı batyr jáne Turan dańǵylynda salynady. Mysaly, Beıbitshilik kóshesindegi jaıaý júrginshiler jolyn keńeıtip, abattandyramyz. Sonymen qatar jaıly shaǵyn kafeler ashylyp, jasyl jelekter egiledi. Eýrazııa aýmaǵy da birinshi kezeńde qamtylady. Osy qaǵıdatqa súıene otyryp, basqa da kóshelerdi qaıta jańartyp, art-nysandardy ornatyp jatyrmyz», - dedi Ashat Sadýov. Osylaısha, qalada 54 qoǵamdyq keńistik abattandyrylady.

«Halyq únine qulaq asatyn memleket» tujyrymdamasyn iske asyrý aıasynda aýdan turǵyndary «bıýdjetke qatysý» jobasynyń úlgisi boıynsha ózderi ortalyqta ne ashý kerektigin sheshetin bolady. Budan buryn baǵdarlama pılottyq rejimde «Saryarqa» aýdanynda iske qosylyp, úlken tıimdilikti kórsetti. Bıyl joba qalanyń barlyq aýdandarynda iske qosylady. «Qoǵamdyq keńistikti damytý» baǵdarlamasy qala turǵyndarynyń ómirin odan ári jaqsartý úshin mańyzdy. Bul baǵdarlama jaıaý júrginshilerdiń júrip-turýyna yńǵaıly jaǵdaı jasaýǵa, turǵyndardyń bos ýaqytyn densaýlyq úshin paıdaly ótkizýine úlken septigin tıgizbekshi. Mysaly, qoldanystaǵy ıppodrom bazasynda ıppoterapııamen aınalysý úshin jabyq manej ashylatyn bolady. Sol jerde ulttyq jáne klassıkalyq sport túrlerin damytyp qana qoımaı, sonymen qatar at serýenderi uıymdastyrylady. Sondaı-aq elordanyń jasyl beldeýin boılaı qala turǵyndary jazda velosıpedpen, qysta shańǵymen jáne t. b. syrǵanaý úshin velojoldar aýmaǵy abattandyrylady. Qoǵamdyq keńistikti qala turǵyndarynyń pikirin eskere otyryp damytamyz, skverler men alańdar turǵyndar qajet dep sheshken jerlerde ornalastylady«, - dep atap ótti qala ákimi Altaı Kólginov.

Kezdesý barysynda qalanyń belsendi turǵyndary qalany damytý boıynsha óz oı-pikirimen bólisti.

Aıta ketken jón, «Nur-Sultan - turǵyndarǵa jaıly qala« atty elordany odan ári damytý josparyn talqylaýǵa ár turǵyn qatysa alady. Osyndaı kezdesýler aldaǵy ýaqytta da ótedi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT