+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Elordada belgili ekolog Musaǵalı Dýambekov atyndaǵy alleıa ashyldy

2021 jylǵy 10 mamyr 16:21
Bólisińiz:
Elordada belgili ekolog Musaǵalı Dýambekov atyndaǵy alleıa ashyldy

NUR-SULTAN. QazAqparat – Astana tórinde belgili ekologııa sarapshysy, Qazaqstan Respýblıkasynyń Halyqaralyq ekologııa akademııasynyń prezıdenti bolǵan Musaǵalı Dýambektovtyń atyndaǵy alleıa ashyldy, dep habarlaıdy QazAqparat tilshisi.

Uqsas jańalyqtar
Nur-Sultanda «saqaldy» qurylystarǵa tekserý júrgizildi Qazaqstandyqtardyń polıtsııaǵa senimi artyp keledi – Sergeı Ilınyh ShQO turǵynyn WhatsApp-ta balaǵattaǵan áıel qoǵamdyq jumysqa tartyldy

Alleıanyń ashylýyna ǵalymnyń týǵan-týystary, izinen ergen shákirtteri, Ekologııa, geologııa jáne tabıǵı resýrstar mınıstrliginiń, Aýyl sharýashylyǵy mınıstrliginiń ókilderi, belgili qoǵam qaıratkerleri, belsendiler men óner maıtalmandary qatysty. Nur-Sultan qalasynyń Panfılov kóshesindegi «Gorodskoı Romans» turǵyn úı kesheniniń tusyndaǵy saıabaqqa Musaǵalı Dýambekovke arnalǵan memorıaldyq taqta da qoıyldy.

Eske alý sharasyn Musaǵalı Dýambektovtiń syılas dosy Murat Ábenov júrgizdi.

«Aǵamyzdyń oıynda kóptegen maqsattary bar edi. Qolǵa alǵan jobalary da kóp bolatyn.Tabıǵatty qorǵaý isinde bárimizdiń basymyzdy biriktirip júretin. Mine búgin eske alý sharasynyń arqasynda taǵy da basymyz qosylyp otyr. Ol tek ǵyly men memlekettik qyzmette ǵana emes, ónerde de óz orny bar tulǵa boldy. Laýazymdy qyzmetterdi de abyroımen atqardy. Alǵash bolyp ekologııalyq qozǵalys qurǵandardyń biri osy aǵamyz bolatyn. Tabıǵatqa arasha túsý úshin shyndyqty qoryqpaı aıta bildi. Bıyl tiri bolsa, 60-qa keler edi. Osynyń bárin eskerip, jaqyndary men dsotary Musaǵalı Dýambekovke quran baǵyshtap qana qoımaı, atyna alleıa ashsaq dep sheshtik. Búgin saıabaqqa egetin kóshetter ol bastaǵan istiń aıaqsyz qalmaǵanyn kórsetedi», - dedi Murat Ábenov.

Rejıser Talǵat Temenov te Musaǵalı Dýambekovtiń qorshaǵan ortany qorǵaý jolyndaǵy eńbegi ushan-teńiz ekenin eske aldy.

«Musaǵalıdyń negizgi mamandyǵy ekolog dep jatyrsyzdar ǵoı. Ol tabıǵat-anany kúrekpen emes, júrekpen qorǵaǵan azamat edi», - dedi óner qaıretkeri.

Ǵalymnyń jary, Qazaqstan Respýblıkasynyń Halyqaralyq ekologııa akademııasynyń qazirgi prezıdenti Aıgúl Ábdýalıeva sharaǵa jınalǵan halyqqa jáne alleıanyń ashylýyna muryndyq bolǵan Nur-Sultan qalasy ákimdigi men Qazaqstannyń tabıǵatty qorǵaý uıymdarynyń qaýymdastyǵyna, Halyqaralyq Ekologııa akademııasynyń ujymyna áýlet atynan alǵys aıtty.

Musaǵalı Dýambekov - qoǵam qaıratkeri, ekologııalyq sarapshy, tehnıka ǵylymdarynyń doktory, professor, Qazaqstan Respýblıkasynyń Halyqaralyq ekologııasy akademııasynyń prezıdenti.

Sonymen qatar, ár jyldary túrli laýazymdy qyzmetterdi atqara júrip, Qazaqstannyń Azamattyq alıansynyń vıtse-prezıdenti, Qazaqstan Respýblıkasynyń Halyqaralyq «Eýrazııa» akademııasynyń akademıgi, Qyrǵyzstan Respýblıkasy Halyqaralyq dástúrli jáne eksperımenttik medıtsına akademııasynyń akademıgi, Qazaqstan Respýblıkasy Aýyl sharýashylyǵy mınıstrligi janyndaǵy «Adaldyq alańy» jobalyq keńsesiniń jetekshisi, Qazaqstan Respýblıkasy Sybaılas jemqorlyqpen kúres jónindeg Agenttiginiń arnaıy monıtorıng tobynyń múshesi retinde tabıǵat qorǵaý isine ólsheýsiz úles qosty.

Ǵylymı izdenisteriniń aıǵaǵy retinde artynda 200-den astam maqala, 10 monografııa, 15 oqýlyq, 3 ónertabys, 8 patenti qaldy.



Foto: baq.kz

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT