+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Elordada baspana talap etken kópbalaly analardyń áreketi zańsyz - ákimdik

2019 jylǵy 19 qyrkúıek 14:14
Bólisińiz:
Elordada baspana talap etken kópbalaly analardyń áreketi zańsyz  - ákimdik

NUR-SULTAN. QazAqparat – Elordada baspana talap etip, zańsyz sherýge shyqqan kópbalaly analardyń áreketteri zańsyz. Bul týraly búgin Nur-Sultan qalalyq qoǵamdyq damý isteri basqarmasynyń basshysy Talǵat Rahmanberdi aıtty, dep habarlaıdy QazAqparat tilshisi.

«QR-daǵy beıbit sherý men ereýilderdi uıymdastyrý zańynyń talaptaryna sáıkes, beıbit sherý, mıtıng, ereýilderdi jergilikti atqarýshy organnyń ruqsatymen ǵana jasaýǵa bolady. Atalǵan tulǵalarǵa jergilikti atqarýshy organdar tarapynan ruqsat berilmegen. Soǵan qaramastan kópbalaly analardyń jekelegen toptary osyndaı sherýler arqyly ózderiniń jeke basynyń múddesin, máselelerin sheshýge tyrysyp jatyr. Ol tolyǵymen zańsyz. Biz olarmen tolyǵymen kelispeımiz. Sebebi kótergen máselelerdiń barlyǵy zańsyz», - dedi basqarma basshysy.

Onyń atap ótinshe, jergilikti atqarýshy organ – Nur-Sultan qalasynyń ákimdigi mundaı zańsyz sherýge shyqqandardyń turǵyn úı máselesin sheship bere almaıdy. Turǵyn úı máselesine qatysty qabyldanǵan zań bar. Barlyǵy sol zańǵa sáıkes júzege asyrylady.

«Atalǵan zań talabyna sáıkes, turǵyn úı alý úshin kezekke turý qajet. Nur-Sultan qalasynda kezekke Turǵyn úı qory turǵyzady. Sol qorǵa baryp, kezekke turyp, soǵan baılanysty baspanamen qamtamasyz etiledi. Al óziniń jeke basynyń múddesin sheshý úshin zańdy belinen basyp, sherýge shyǵyp, ereýildetken azamattardyń áreketteriniń barlyǵy zańsyz. Biz muny ashyq aıtamyz», -dedi Talǵat Rahmanberdi.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT