+7 (701) 759 90 19
USD 426.39 EUR 504.16
RUB 5.87 CNY 66.28
Jańalyqtar

Elordada balalar koronavırýspen jıi aýyra bastady - ınfektsıonıst dərigeri

2021 jylǵy 27 shilde 19:34
Bólisińiz:
Elordada balalar koronavırýspen jıi aýyra bastady - ınfektsıonıst dərigeri

NUR-SULTAN. QazAqparat - Elordada maýsym aıynan bastap balalar arasynda koronavırýs ınfektsııasynyń ósýi baıqalady. Balalar negizinen otbasyndaǵy KVI juqtyrǵan adammen baılanysta bolǵannan keıin aýyrady. Bul týraly №3 kópbeıindi qalalyq balalar aýrýhanasy dırektorynyń medıtsınalyq bólim jónindegi orynbasary, ınfektsıonıst dáriger Roza Ótegenova aıtty, dep habarlaıdy QazAqparat qala ákimdigine silteme jasap.

Uqsas jańalyqtar
Koronavırýs: Atyraýda eki aı jansaqtaý bóliminde jatqan naýqas emdelip shyqty Koronavırýs: ShQO turǵyndarynyń 60 paıyzdan astamy vaktsına aldy Koronavırýsqa qarsy vaktsına júktilikke áser ete me

«ıAǵnı, otbasynda eresek adam aýyrsa, tipti jeńil túri bolsa da, onda balalardyń barlyǵy derlik juqtyrady. Búgingi kúni ınfektsııalyq ortalyqta KVI juqtyrǵan 110-nan astam bala emdelýde», - deıdi dáriger.
Sondaı-aq, ol «Delta» shtamy óte agressıvti ekenin atap ótti, sondyqtan balalar eresekterge qaraǵanda ońaı jáne tez juqtyrady.

«Balalarda aýrý sımptomatıkalyq emes, klınıkalyq aıqyn formalarǵa deıin sozylady. Balalardaǵy negizgi belgiler – ıntoksıkatsııa, dene qyzýy, kataraldy kórinister bolýy múmkin. Sondyqtan, bastapqyda qarapaıym vırýsty ınfektsııalardan esh aıyrmashylyǵy joq dep aıta alamyz. Biraq dınamıkadan keıin asqynyp ketýi yqtımal, sonymen qatar sozylmaly aýrýlar bolǵan kezde balalarda sozylmaly patologııalardyń dekompensatsııasy bastalýy múmkin. Ondaıda jaǵdaı nasharlap ketedi», - dedi Roza Ótegenova.

Sondaı-aq, dárigerdiń pikirinshe, kóp nárse balanyń koronavırýs juqtyrǵanǵa deıingi densaýlyǵyna baılanysty. ıAǵnı, eger ol KVI-ge deıin saý bolsa, aýrý jeńilirek ótedi.

«Aýrý aǵymynyń ereksheligi – olardyń ınfektsııalyq protsesi kez-kelgen kezeńde aıaqtalýy múmkin, ıaǵnı bala ne tez emdelip shyǵady nemese birden aýyr túrine jetedi. Inkýbatsııalyq kezeń eresekterdegideı ótedi: 4-ten 14 kúnge deıin. Alaıda, balada qosymsha aýrýy bolsa, onyń jaǵdaıy jyldam nasharlaýy nemese nasharlamaýy múmkin», - deıdi maman.

Infektsııa asqynatyn negizgi organ — eresekterdegi sekildi ókpe. Biraq júrek, baýyr, asqazan-ishek joldary bolýy da múmkin. Sol sııaqty aýyr túrindegi sepsıs pen shok jaǵdaıyna deıin ákelýi múmkin. Sondaı-aq, balalardyń birden birneshe júıke júıesine áser etýi múmkin, bul denege teris áser beredi.

«Ata-analardyń bárine saqtyq sharalaryn qatań saqtaýyn, ásirese vaktsınatsııadan ótýi kerektigin aıtqymyz keledi. Negizinen ekpe almaǵan otbasylardyń balalary aýyr túrde aýyrady. Vaktsınatsııa alyńyz, ózińizdi jáne balalardy qorǵańyz! Óıtkeni, kishkentaı balalar ózderiniń aýyryp qalǵanyn túsinbeýi múmkin, al keıin aýrý aýyr kúıde ótedi», - dep qorytyndylady Roza Ótegenova.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT