Elordada baǵanǵa soǵylǵan BMW kóligi aýdarylyp qaldy
NUR-SULTAN. QazAqparat – Elordadaǵy EK-32 kóshesi boıynda BMW markaly kóliginiń aýdarylýynyń mán-jaıy belgili boldy, dep habarlaıdy QazAqparatt tilshisi.
«25 maýsymda saǵat 00:10 kezinde BMW X7 kóliginiń júrgizýshisi EK-32 kóshesimen kele jatyp, Dostyq kóshesimen qıylysta kóshe boıyndaǵy baǵanǵa soǵylǵan. Osynyń saldarynan kólik aýdarylyp tústi. Jol-kólik oqıǵasynan zardap shekken kólik jolaýshysy aýrýhana jetkizildi», - delingen qalalyq polıtsııa departamentiniń málimetinde.
Dárigerlerdiń tekserýinen ótkennen keıin, atalǵan jolaýshy úıine jetkizildi.
BMW X7 kóliginiń júrgizýshisine qatysty ákimshilik is qozǵalyp, materıaldar sotqa joldandy.
Aıta keteıik, áleýmettik jelide elorda kóshesinde aýdarylyp jatqan kólikke qatysty vıdeo taraǵan bolatyn.
Foto: www.instagram.com/astana_sergek
