Elordada  áıgili káris sýretshisiniń kórmesi ótip jatyr
2022 jylǵy 26 maýsym 17:41

Elordada áıgili káris sýretshisiniń kórmesi ótip jatyr

NUR-SULTAN. QazAqparat - 24 maýsym Qazaqstan Respýblıkasynyń Ulttyq mýzeıinde Koreıa Respýblıkasy Elshiliginiń Koreı mádenı ortalyǵy uıymdastyrǵan «the ETERNAL» atty káris keskindeme sheberi Pak De Songtyń «Sozan» atty sýret kórmesiniń ashylý rásimi ótti, dep habarlaıdy QazAqparat tilshisi.

Kórme Koreıa Respýblıkasy men Qazaqstan Respýblıkasy arasyndaǵy dıplomatııalyq qarym-qatynastardyń ornaǵanyna 30 jyl tolýyn merekeleý aıasynda, sondaı-aq 2022-2023 eki el arasyndaǵy mádenı almasý jylyna oraı qazaqstandyqtarǵa túrli koreı mádenıetiniń sulýlyǵyn kórsetý maqsatynda uıymdastyryldy.

Kórmede káris keskindeme dástúriniń jalǵastyrýshysy, ataqty sýretshi Pak De Songtyń biregeı tehnıkasy men stılin paıdalana otyryp jasalǵan 23 týsh keskindeme kartınasy usynyldy. Sonymen qatar, kórmede avtordyń týyndylardy jasaý barysynda qoldanǵan sýretteri bar albomdardy kórýge bolady.
Tanymal sýretshi Pak De Song 1979 jyly Chýngang kórkemsýret kórmesinde «Sanrım» kartınasy úshin bas júldeni jeńip alyp, óner úıirmeleriniń nazaryn aýdarǵan.

Kórme 14 tamyzǵa deıin jalǵasady.

Jańalyqtar

Úrdis

MURAǴAT