Elordada avtokólik jol belgisine soǵylyp, aýdaryldy
2022 jylǵy 28 qańtar 12:20

Elordada avtokólik jol belgisine soǵylyp, aýdaryldy

NUR-SULTAN. QazAqparat – Elordada jol belgisine soǵylǵan kólik aýdarylyp túsken. Bul týraly Nur-Sultan qalasy Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«28 qańtarda saǵat 05:22-de «Honda» markaly avtokóliktiń 29 jastaǵy júrgizýshisi Qarasaı batyr kóshesimen Bulanty kóshesine qaraı júrip kele jatyp, jol belgisine soǵylǵan. Soqqydan kólik aýdarylyp qalǵan. Kólik tizgindegen er adamnyń ortasha deńgeıde mas ekeni dáleldendi.

Jaraqat alýyna baılanysty júrgizýshi aýrýhanaǵa jetkizilip, dárigerlerdiń qaraýynan keıin jiberildi», - dep jazylǵan departamenttiń málimetinde.

Qazir oqıǵanyń mán-jaıy anyqtalýda. Al apatqa túsken kólik kommýnaldyq turaqqa qoıyldy.

«Nur-Sultan qalasynyń Polıtsııa departamenti júrgizýshilerge mas kúıde kólik júrgizý qaýipti ekenin eskertedi. Aınalańyzdyń ómiri men densaýlyǵyna qaýip tóndirmeńiz. Jaqyndaryńyzdyń mas kúıde rýlge otyrýyna jol bermeńiz. Mundaı zań buzýshylar týraly bilseńiz, dereý «102» telefonyna qońyraý shalýǵa nemese uıaly qosymshanyń kómegimen polıtsııaǵa habarlaýǵa bolady», - delingen departamenttiń baspasóz qyzmeti taratqan aqparatta.


Jańalyqtar

MURAǴAT