2022 jylǵy 6 shilde 22:57
Elordada áýe sharyn jel ushyryp áketti
NUR-SULTAN. QazAqparat - Nur-Sultan qalasynda aýa raıynyń qolaısyzdyǵynan áýe sharyn jel ushyryp áketti, dep habarlaıdy QazAqparat qalalyq Tótenshe jaǵdaılar departamentiniń baspasóz qyzmetine silteme jasap.
«6 shilde kúni «Kerýen» oıyn-saýyq ortalyǵy mańynda qatty jeldiń saldarynan áýe sharyn jel alyp ketti. Áýe shary shuǵyl jınaldy», - dep habarlady qalalyq tótenshe jaǵdaılar departamenti.
Oqıǵaǵa baılanysty 112 qyzmetine zardap shegýshiler týraly eshqandaı aqparat kelip túspegen.
Aıta ketsek, qalalyq TJD 6 shilde kúni kún raıynyń qolaısyz bolatynyn habarlaǵan bolatyn. Osyǵan oraı tótenshe jaǵdaılar qyzmeti azamattardy abaı bolýǵa shaqyrady.
Foto: tropicalnorthqueensland.org.au
Sondaı-aq... oqyńyz
TOP
