Elordada aýany lastaıtyn kólik ıelerine aıyppul salynady
2022 jylǵy 1 shilde 11:05

Elordada aýany lastaıtyn kólik ıelerine aıyppul salynady

NUR-SULTAN. QazAqparat - Elordada kólikterden shyǵatyn tútinge taldaý jasalatyn bolady. Gaz shyǵaryndysyndaǵy zııandy qaldyqtar normadan joǵary kólik ıelerine áýeli eskertý jasalady. Keıin ony normaǵa saı deńgeıge keltirmese jáne taǵy da tekserý kezinde qolǵa tússe, aıyppul salynbaq, dep habarlaıdy astana ákimdiginiń resmı saıty.

Elordada «Nur-Sultan qalasy aýmaǵyndaǵy kólik jáne ózge de jyljymaly quraldardyń ekologııalyq monıtorıngi» jobasy tanystyryldy. Ony júzege asyrýmen Qalalyq qorshaǵan ortany qorǵaý jáne tabıǵatty paıdalaný basqarmasy jáne «Ekoservıs-S» JShS aınalysady.

«Tabıǵatty qorǵaý sharasy aıasynda avtokólik quraldarynyń aýanyń lastaýyn monıtorıngileý boıynsha jobany iske qosamyz. Zerthanalar kólikten shyǵatyn gazdardy zertteıtin bolady, biraq biz osy is-sharalardy osy jyly ilki joba retinde iske asyramyz. Ol bizde profılaktıkalyq áreket retinde bolady. Tekseriletin jáne monıtorıng júrgiziletin mashınalar úshin aldymen túsindirý jumystaryn júrgizilip, olarǵa qatysty aldyn alý sharalary qoldanylatyn bolady. Keıinnen protsess jaqsarǵan kezde, eger buzýshylyqtar qaıta anyqtalatyn bolsa, onda ákimshilik sharalar qoldanylady», - dep habarlady Nur-Sultan qalasynyń Qorshaǵan ortany qorǵaý jáne tabıǵatty paıdalaný basqarmasy basshysynyń orynbasary Janar Beskempirova.

Qorshaǵan orta sapasynyń maqsatty kórsetkishterin baqylaý atmosferalyq aýany lastaýdyń negizgi kózi avtokólik ekenin kórsetti, bul pandemııa kezinde dáleldendi.

Jyljymaly ekologııalyq beketter kópkomponentti gaz taldaǵyshtar men tútin ólshegishterdiń kómegimen benzındi jáne gazdy qozǵaltqyshtarmen jabdyqtalǵan avtomobılderdiń paıdalanylǵan gazdaryn kómirsýteginiń, kómirtegi totyǵynyń, kómirtegi dıoksıdiniń, azot totyǵynyń, otteginiń bolýyna ólsheıdi.

«Birinshi kezeńde eki jyljymaly zerthana ólsheý júrgizetin bolady. Bul zerthanalar sertıfıkattalǵan. Barlyq qurylǵylar memlekettik tizilimge engizilgen»,-dep túsindirdi «Ekoservıs-S» JShS dırektory Ǵalym Berkinbaev.

Jobany sapaly iske asyrý maqsatynda budan buryn Qorshaǵan ortany qorǵaý jáne tabıǵatty paıdalaný basqarmasy, Nur-Sultan qalasynyń Polıtsııa departamenti jáne «EKOSERVIS-S» JShS arasynda úshjaqty memorandým jasaldy.



Foto: gov.kz

Uqsas jańalyqtar
Seriktester jańalyqtary

Jańalyqtar

Úrdis

MURAǴAT