Jańalyqtar  >
  Sport

Elordada Astana Open ATP 500 týrnıriniń jerebesi tartyldy

2022 jylǵy 1 qazan, 14:53
Elordada Astana Open ATP 500 týrnıriniń jerebesi tartyldy

ASTANA. QazAqparat – Elordada Astana Open ATP 500 týrnıriniń jerebesi tartyldy, dep habarlaıdy QazAqparat tilshisi.

Qazaqstan tennıs federatsııasynan málim etkendeı, elimizdiń birinshi, álemniń 41-raketkasy Aleksandr Býblık alǵashqy aınalymda dúnıejúzilik reıtıngte 52-orynda turǵan nıderlandylyq Tallon Grıkspýrmen kezdesedi.

Mıhaıl Kýkýshkın álemniń 6-raketkasy, grekııalyq Stefanos Tsıtsıpaspen oınaıdy.

Aqtaý tennıs mektebiniń túlegi, 21 jastaǵy Beıbit Jýkaev álemniń 35-raketkasy, nıderlandylyq Botık van de Zandshýlppen kortqa shyǵady.

Álemniń birinshi raketkasy, US Open-2022 týrnıriniń chempıony, ıspanııalyq Karlos Alkaras reıtıngte 31-satydaǵy danııalyq Holger Rýnemen synǵa túsedi.

Jarystyń ekinshi raketkasy, reseılik Danııl Medvedev ıspanııalyq Albert Ramos Vınolasqa qarsylas atandy.

Dodaǵa sondaı-aq «Úlken dýlyǵa» týrnıriniń 21 dúrkin chempıony, serbııalyq Novak Djokovıch (jarystyń 4-raketkasy), reseılik Andreı Rýblev (5), ıtalııalyq ıAnnık Sınner (6), polıak Hýbert Hýrkach (7), kanadalyq Felıks Oje-Alıassım (8) jáne basqalar qatysady.

«Týrnırge qatysýshylardyń quramy óte myqty. «Masters» jáne «Úlken dýlyǵa» jarystarynan kem túspeıdi. Sondyqtan matchtar óte tartysty ótetin bolady. Óz sheberligimdi kórsetý úshin bar kúshimdi salamyn», dedi Danııl Medvedev.

Eske sala keteıik, budan buryn Beıbit Jýkaevtyń eki márte el chempıony atanǵanyn, tennısshi Tımofeı Skatovtyń Lıssabon týrnıriniń jartylaı fınalyna shyqqanyn jazǵan bolatynbyz.

Sondaı-aq Dmıtrıı Popko Argentınadaǵy jarystyń jartylaı fınalyna ótti.







Tegı:
Astana   Sport   Tennıs  
Uqsas jańalyqtar
Seriktester jańalyqtary

Jańalyqtar