+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elordada arnaıy jıynǵa qatysýshylar marapattaldy

2020 jylǵy 7 mamyr 16:38
Bólisińiz:
Elordada arnaıy jıynǵa qatysýshylar marapattaldy

NUR-SULTAN. QazAqparat - Otan qorǵaýshy kúni elordada arnaıy jıynǵa shaqyrylǵan áskerı mindettilerdi saltanatty marapattaý rásimi ótti. Tótenshe jaǵdaı rejımin qamtamasyz etý jónindegi is-sharalarǵa qatysqan aýmaqtyq qorǵanys brıgadasynyń erekshe kózge túsken áskerı qyzmetshilerine kezekti áskerı ataqtar berilip, laıyqty marapattar tabys etildi, dep habarlaıdy QR Qorǵanys mınıstrliginiń baspasóz qyzmeti.

Uqsas jańalyqtar
Pavlodarda áskerı ant onlaın rejimde qabyldandy

Arnaıy jıyndarǵa qatysýshylardy Qorǵanys mınıstri Nurlan Ermekbaev pen Astana qalasynyń əkimi Altaı Kólginov quttyqtady.

«Sizder óz azamattyq paryzdaryńyzdy oryndaýǵa, el azamattarynyń tynyshtyǵy men densaýlyǵyn qorǵaýǵa úles qosyp jatyrsyzdar. Osylaısha Memleket basshysy-Joǵarǵy Bas qolbasshy qoıǵan mindetterdi oryndaýǵa ynta bildirdińizder. Búgingi kúni búkil qoǵamǵa ortaq maqsat úshin toptasý qajet. El basshylyǵy sizderge úlken úmit artady. Olar joǵary tózimdilikti, shydamdylyq pen qyraǵylyqty talap etedi», – dedi mınıstr.

Ol aýmaqtyq qorǵanys bólimsheleriniń tótenshe jaǵdaı rejımin qamtamasyz etýge jáne qaýipti vırýstarmen kúresý isine qosqan baǵa jetpes úlesin atap ótti.

«Arnaıy jıyndar sizder úshin mańyzdy emtıhan boldy. Oǵan qosa sizder moraldyq jáne psıhologııalyq kemeldikti, sarqylmaıtyn erik-jigerdi kórsettińizder. Sizderdiń jaýyngerlik sheberlikterińiz ben úılesimdilikterińiz Qarýly kúshterdiń aýmaqtyq áskerleri eń úzdiktermen jasaqtalǵanyn taǵy da rastady, óıtkeni kóptegen eriktiler jıynǵa kelýge nıet bildirdi. Eń aldymen, buryn qyzmet atqarǵan jáne onyń erekshelikterin biletinder iriktelip alyndy», – dedi Qorǵanys mınıstri.

Mınıstr jıynǵa qatysýshylarǵa qyzmeti úshin alǵysyn bildirip, densaýlyq, otbasylaryna amandyq jáne el ıgiligi úshin qyzmet etýde tabys tiledi.

Aýmaqtyq qorǵanys bólimsheleriniń erekshe kózge túsken áskerı qyzmetshilerin kótermeleý maqsatynda Qorǵanys mınıstrligi «Arnaıy jıyndarda áskerı boryshyn úlgili oryndaǵany úshin» arnaıy estelik belgisin qosymsha daıyndaý ústinde. Sonymen qatar, marapattaýdy jergilikti áskerı basqarý organdary arqyly ótkizý josparlanyp otyr.

Elordada arnaıy jıyndarǵa 150 áskerı qyzmetshi shaqyryldy. Armııaǵa qolǵabys etýge nıet bildirgender sany edəýir kóp boldy. Nıet bildirgenderdiń ishinen áskerı qyzmet tájirıbesi bar úzdikter iriktelip alyndy. Astanalyq aýmaqtyq qorǵanys brıgadasynyń áskerı qyzmetshileri tórt apta boıy qalany dezınfektsııalaý, tosqaýyldardy patrýldeý jáne qyzmet atqarý, qalalyq jedel shtab jumysy boıynsha mindetterdi oryndady.

Búkil el aýmaǵynda Prezıdent Jarlyǵymen jarııalanǵan arnaıy jıyndarǵa áskerı mindettilerdi shaqyrý aýmaqtyq áskerler arqyly vırýstarmen kúresýge áskerge tartýǵa múmkindik berdi, sol arqyly eldiń qorǵanys qabiletin qoldaýdy qamtamasyz etti.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT