+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Elordada 100-den asa jol erejesin buzǵan júrgizýshi ustaldy

2020 jylǵy 21 aqpan 14:54
Bólisińiz:
Elordada 100-den asa jol erejesin buzǵan júrgizýshi ustaldy

NUR-SULTAN. QazAqparat - Elordada «Boryshker» jedel-aldyn alý sharasy barysynda polıtseıler 100-den astam jol erejesin buzǵan júrgizýshini ustady, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

Baspasóz qyzmetiniń málimetine qaraǵanda, 5 aqpannan bastap polıtsııa qyzmetkerleri jeke sot oryndaýshylarynyń, memlekettik organdar men jurtshylyq ókilderiniń qatysýymen boryshkerlerdi, alıment tólemegenderdi anyqtap, olarǵa aıyppul tóleý týraly habarlama jiberip keledi.

«Boryshker» jedel-aldyn alý sharasy ákimshilik quqyqbuzýshylyq týraly ister boıynsha sheshimder men buıryqtardyń oryndalýyn baqylaý maqsatynda ótkiziledi. Іs-shara barysynda ákimshilik aıyppuldar boıynsha boryshkerler, jalǵan nómirmen kólik júrgizgen, kólik quralyn basqarýǵa quqyǵy joq tulǵalar, t.b. anyqtalady.

« Jalpy alǵanda, jedel-aldyn alý sharasy bastalǵannan beri kommýnaldyq turaqqa 100-den astam avtomobıl qoıyldy. Olardyń ishinde 88 júrgizýshi tıisti qujaty joq avtokólikterdi júrgizgen, jalǵan nómirmen 5 júrgizýshiniń kóligi jáne túrli sot shekteýleri bar 5 avtokólik anyqtaldy. Patrýldeý barysynda, polıtsııa qyzmetkerleri «RANGE ROVER» markaly avtokóligin ustady, onyń júrgizýshisi saqtandyrý polısinsiz avtokólik júrgizgen. Sonymen qatar, onyń «Sergek» kamerasymen jalpy somasy 1,5 mln teńgege jýyq bolatyn 100-den astam zańbuzýshylyq jasaǵany anyqtalǵan. Onyń ishinde júrgizýshi jalpy somasy 926 675 teńgeni 69 zańbuzýshylyq úshin ǵana tólegen. Kólik kommýnaldyq turaqqa qoıyldy», - delingen baspasóz baıanynda.

Eske sala keteıik, bıylǵy jyldyń 16 qańtarynda QR ÁQBtK 743-baby jańa 4-tarmaqshasymen tolyqtyryldy. Ol boıynsha aıyppul tóleý týraly sheshim avtokólik ıesi kórsetken uıaly baılanystyń abonenttik nómirine SMS habarlama jiberilgen jaǵdaıda tıisti túrde jetkizilgen dep tanylady.


Bizdiń kanalymyzǵa jazylyńyz:

Basty sózder: Nur-Sultan, Zań, Kólik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT