Elordada Alash tas joly boıyndaǵy kópir ashyldy
2022 jylǵy 6 shilde 22:39

Elordada Alash tas joly boıyndaǵy kópir ashyldy

NUR-SULTAN. QazAqparat - Búgin Nur-Sultan qalasyndaǵy Alash tas jolynda kúrdeli jóndeýden keıin kópir paıdalanýǵa berildi, dep habarlaıdy QazAqparat.

«Áý basta kópir apatty dep tanylǵan bolatyn. Kópirdiń bir bóligine kúrdeli jóndeý júrgizildi, atap aıtqanda jol ótpesiniń avarııalyq bóligi bólshektelip, qaıta jasaldy. Joba boıynsha 140 metr kópir salyndy. Sonymen qatar, kópirdiń eki jaǵynan 700 metrden asfalt tóseldi. Sondaı-aq, metall estakadanyń júrý bóligi qalpyna keltirildi», - dedi geodezııa salasynyń mamany Alınur Ábilmajan.

Elorda ákimdiginiń resmı saıtynda habarlanǵandaı, 6 shilde, Astana kúnine oraı kezekte turǵandarǵa, jumys isteıtin jastarǵa, úleskerlerge páter kiltteri tabystaldy. Budan basqa, birqatar áleýmettik nysandar men 100-ge jýyq aýla jáne qoǵamdyq keńistikterdiń (saıabaqtar, skverler, býlvarlar) qurylysy aıaqtalýda, ındýstrııalyq parkte eki zaýyt iske qosyldy.

Foto: Nur-Sultan qalasynyń ákimdigi


Jańalyqtar

Úrdis

MURAǴAT