+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Elordada aqyn-jazýshylarǵa arnalǵan kórme-murajaı buryshy ashyldy

2021 jylǵy 24 qyrkúıek 17:38
Bólisińiz:
Elordada aqyn-jazýshylarǵa arnalǵan kórme-murajaı buryshy ashyldy

NUR-SULTAN. QazAqparat – Nur-Sultan qalasyndaǵy Ulttyq mýzeıde qazaqtyń kórnekti aqyn-jazýshylary men olardyń shyǵarmashylyǵyna arnalǵan kórme-murajaı buryshy ashyldy, dep habarlaıdy QazAqparat tilshisi.

Uqsas jańalyqtar
Túrkııada «Qazyǵurt oqıǵalary» kitabynyń tusaýkeseri ótti Erqanat Turymtaı qazaqtyń kóne jádigerlerin búginge deıin saqtap keledi Senat spıkeri qazaq ádebıetiniń klassıgi Ábdijámil Nurpeıisovti týǵan kúnimen quttyqtady

«Egemen el atanǵaly beri qazaq halqynyń rýhanı azyǵy, jan tynysy ispetti mádenıet pen rýhanııat salasyn damytýǵa asa kóńil bólinip keledi. Sonyń biri ótken jyly pandemııaǵa qaramastan Uly Abaıdyń 175 jyldyq mereıtoıy keń kólemde atalyp ótildi. Shyǵarmashylyq mereıtoılar jalǵasyn taýyp bıyl jyr alyby Jambyldyń 175 jyldyǵy jáne muzbalaq aqyn Muqaǵalı Maqataevtyń 90 jyldyǵy atalyp ótip jatyr. Muqaǵalı shyǵarmashylǵy qazaq rýhanııatynyń tozbaıtyn, muqalmaıtyn, altyn qazynasy. Ǵasyr aqyny onsyzda joǵary qazaq poezııasynyń deńgeıin shyrqaý bıikke kóterip ketti. Ol týǵan jerge degen mahabbatty qara óleńniń qudyretimen beıneleı bildi. Aqyndy qazaq jyrynyń erkindigi, rýhtyń tazalyǵy deýge bolady», - dedi QR Ulttyq mýzeıiniń dırektory Arystanbek Muhamedıuly.

Kórme-murajaı buryshy 2 bólimnen turady.

Birinshi bólimde aqyn Muqaǵalı Maqataevtyń shyǵarmashylyǵyna arnalǵan kitap túrindegi ınstallıatsııa qoıylǵan. Jáne oǵan «Bir óleńi bir eldiń murasyndaı poezııa paıǵambary» dep jazylǵan.

Ekinshi bólim «Rýhty qalam qaıratkerleri» dep atalady jáne ol qazaq ádebıeti qaıratkerleriniń shyǵarmashylyǵyna arnalǵan.

Ol jerde aqyn Abaı Qunanbaev, Sábıt Muqanov, Ábdijámil Nurpeıisov, Ábish Kekilbaev, Myrzataı Joldasbekov, Sherhan Murtaza, Hamıt Erǵalıev, Tursynbek Kákishev, Dúkenbaı Dosjan, Qadyr Myrza Álı, Nurǵoja Oraz, Qajymuqan Muhambetqalıev, Oralhan Bókeı, Aqushtap Baqtygereeva, Hanbıbi Esenǵaraqyzy jáne qazaq jazýshylarynyń shyǵarmalary oryn alǵan.

Sonymen qatar, kórmege atalǵan tulǵalar qoldanǵan jeke jáne turmystyq zattar, qoljazbalary, fotosýretter, qujattar, kitaptar men jýrnaldar qoıylǵan.

Odan bólek, kópshilik qaýymǵa qazaq ádebıeti qaıratkerlerine qatysty tarıhı jáne derekti qujattar, olardyń qoltańbalary men shyǵarmalarynyń alǵashqy jarııalanǵan nusqalary usynylǵan.

Buǵan deıin habarlaǵanymyzdaı, elimizge belgili aqyn, jazýshylar elordada bas qosyp, qazaq aqyny Muqaǵalı Maqataevty eske alyp, aqynmen kezdesken sáti estelikterimen bólisti.

Aıta ketsek, búgin elordadaǵy Ulttyq mýzeıde el Táýelsizdiginiń 30 jyldyǵy men qazaq poezııasynyń klassıgi Muqaǵalı Maqataevatyń 90 jyldyǵyna arnalǵan «Poezııa alyby – Muqaǵalı Maqataev» atty dóńgelek ústel ótti.

Atalǵan jıyndy QR Mádenıet jáne sport mınıstrligi qoldap, QR Ulttyq akademııalyq kitaphanasy, QR Ulttyq mýzeıi jáne Nur-Sultan qalasynyń Mádenıet basqarmasynyń uıymdastyrýymen ótti.

Sharaǵa elimizge belgili aqyn-jazýshylar men qoǵam qaıratkerleri qatysty.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT