+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Elordada Aqtóbeden ákelingen taýarlar arzan baǵada saýdalanýda

2021 jylǵy 25 qyrkúıek 13:51
Bólisińiz:
Elordada Aqtóbeden ákelingen taýarlar arzan baǵada saýdalanýda

NUR-SULTAN. QazAqparat - Nur-Sultan qalasynda ótip jatqan aýyl sharýashylyǵy jármeńkesine Aqtóbe oblysynyń taýar óndirýshileri óz ónimderin jetkizdi, dep habarlaıdy QazAqparat.

Uqsas jańalyqtar
ShQO oqýshylary jylyjaıda banan men mandarın ósirýde Asqar Mamın baǵany turaqtandyrý boıynsha ákimdikterge tapsyrma berdi Qazaqstanǵa birqatar elden karantınge jatqyzylǵan ónimder kirgizilmedi

Jármeńke dástúrli túrde «Han Shatyr» SOO janyndaǵy alańda ótip jatyr.

«Elorda turǵyndaryna oblysymyzdyń taýar óndirýshileri et, sút, shujyq, kókónis, baqsha ónimderin, jumyrtqa, un, t.b. usynyp otyr. Aqtóbeden jetkizgen ónimderimiz tabıǵı taza, dárilenbegen. Elorda turǵyndaryna ónimderimiz unaıtynyna senimdimin. Sebebi tańerteń erte kelip, saýda jasap qala turǵyndarynyń qarasy qalyń. Al baǵasy naryqtan 15-20 paıyzǵa arzan, sapasy óte joǵary, tańdaý kóp», – deıdi Aqtóbe oblysy aýyl sharýashylyǵy basqarmasynyń basshysy Isataı Espaǵambetov.

Kúz túsip, kún raıynyń salqyndaǵanyna qaramastan Aqtóbe oblysynyń taýar óndirýshileri qaýyn-qarbyz, qulpynaı, tańqýraı syndy jemis-jıdekter jetkizip otyr.

«Kún salqyndap barady. Endi birer aptada tańqýraı da, qulpynaı da bitedi. Elordaǵa jemis-jıdegimizdiń sońǵy bóligin jetkizip otyrmyz desem de bolady», – deıdi satýshy Ýmıda.

Aqtóbe oblysy jármeńkege barlyǵy 197,2 tonna ónim qoıyp otyr. Naqtyraq aıtqanda: et jáne et ónimderi – 60 tonna, kartop pen kókónister – 61 tonna, sút jáne sút ónimderi – 16 tonna, ósimdik maıy – 1 tonna, jumyrtqa – 17,2 myń dana, balyq – 5,3 tonna, bal – 0,5 tonna, shujyq ónimderi – 8 tonna, un jáne makaron ónimderi – 8,5 tonna, basqa ónimder – 19,7 tonna.

Esterińizge sala keteıik, elordada aǵymdaǵy jyly áleýmettik mańyzy bar azyq-túlik ónimderiniń baǵasyn turaqtandyrý maqsatynda kókónister men jemisterdiń pisý merzimin eskere otyryp, 14 jármeńke ótkizý josparlanǵan. Astanadaǵy aýylsharýashylyq aımaqtyq jármeńkeler maýsymy 31 qazanǵa deıin jalǵasady. 21 tamyzdan bastap elordadaǵy jármeńkede Túrkistan, Batys Qazaqstan, Shyǵys Qazaqstan, Qyzylorda, Almaty, Atyraý jáne Jambyl oblystarynyń aýylsharýashylyq taýar óndirýshileri óz ónimderin usyndy.

Aıta ketý kerek, jármeńkege kelýshiler karantın talaptaryn qatań saqtaýy tıis. Betperde taǵý, áleýmettik qashyqtyq saqtaý, qoldy dezınfektsııalyq quraldarmen óńdeý qajet.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT