+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Elordada aqparattyq qaýipsizdiktiń ózekti máseleleri talqylandy

2019 jylǵy 3 qyrkúıek 15:58
Bólisińiz:
Elordada aqparattyq qaýipsizdiktiń ózekti máseleleri talqylandy

NUR-SULTAN. QazAqparat - Búgin elordada QR Qaýipsizdik keńesiniń janyndaǵy Sarapshylyq keńesiniń otyrysy «Qazaqstan Respýblıkasynyń aqparattyq qaýipsizdiktiń ózekti problemalary» taqyrybymen ótti.

Uqsas jańalyqtar
Atyraýdyń Reseımen shekaralas aýmaǵyndaǵy qamystyń órtenýi rastalmady Qostanaılyq polıtseıler halyqqa qyzmet kórsetýdiń servıstik modeline kóshpek Pavlodar oblysynyń oqý oryndaryna 11 myńnan astam baqylaý kameralary ornatyldy

Sharaǵa QR Prezıdentiniń kómekshisi - Qaýipsizdik keńesiniń hatshysy Qalmuhanbet Qasymov tóraǵalyq etti, dep habarlaıdy QazAqparat tilshisi.

Jıyndy ashqan Qalmuhanbet Qasymovtyń aqparattyq qaýipsizdik memlekettiń, ulttyń qaýipsizdiginiń negizgi elementi bolyp sanalatyndyǵyn basa aıtty.

«Taqyryp keshendi, ol eki iri blokty qamtıdy. Birinshi blok - aqparattyq keńistiktiń destrýktıvti áserlerden qorǵalýy. Ekinshi blok - kıberqaýipsizdik, bul baılanys pen aqparat arnalarynyń tehnıkalyq qorǵalý máselesi. Eki aspektide bir-birimen tyǵyz ózara baılanysyp jatyr. Sońǵy jyldary aqparattyq qaýipsizdik salasynda baıypty ózgerister bolyp, qazirgi ýaqytta ulttyq qaýipsizdiktiń negizgi aspektisine aınalyp otyr. Ol qaýipsizdiktiń ekonomıkalyq, qoǵamdyq, saıası jáne basqa da túrlerine tikeleı áser etedi», - dedi ol.

Keńes tóraǵasy aqparattyq keńistik qurylymy da túbegeıli ózgergenin, ol eń aldymen áleýmettik jelilerdiń róliniń artýymen baılanysty ekendigin aıtty.

«Halyqtyń aıtarlyqtaı bóligi úshin ol aqparat kózi men baılanys quralyna aınalyp otyr. Áleýmettik jyly basqa BAQ-tan yqpal etý deńgeıimen, onyń ishinde destrýktıvti áserimen de aıtarlyqtaı aıyrmashylyqqa ıe. Árbir qoldanýshy aqparat kózine aınaldy. Munyń barlyǵy da jalǵan ári burmalanǵan aqparatty taratýǵa qolaıly jaǵdaı jasap otyr», - dedi Q.Qasymov.

Osydan keıin jasalǵan Aqparat jáne qoǵamdyq damý mınıstrliginiń baıandamasynda bılik pen qoǵam arasyndaǵy dıalogty nyǵaıtý, qazaqstandyq BAQ-tardyń básekelestigin arttyrý jáne medıa keńistigin retteý máseleleriniń zamanǵa saı jańa tásildemeleri kóterilgen.

Al qazaqstandyq medıa qoǵamynyń jáne Internet-qaýymdastyqtarynyń ókilderi áleýmettik jelilerdiń buqaralyq aqparat quraldaryna balama retinde artyp kele jatqan róline kóńil aýdardy. Búgingi kúnde áleýmettik jeliler halyq úshin eń tanymal kommýnıkatsııa quraly bolyp otyr. Sonymen qatar onyń teris áseri bar ekeni ras. Osyǵan qaraı turaqsyzdyq týyndatatyn jalǵan aqparattar problemasyna da mán berildi. Atalǵan baǵytta Sarapshylyq keńes medıa-qoǵamdastyqty aqparatty jasaý jáne taratý máselesinde jaýapkershilikterin kóterýge shaqyrdy.

Otyrysqa aqparattyq qaýipsizdikke jaýapty memlekettik organdardyń basshylary, Ál-Farabı atyndaǵy Qazaq ulttyq ýnıversıteti men «Astana» halyqaralyq ýnıversıtetiniń ǵylymdary, sarapshylar, «Qazaqstandyq aqparattyq qaýipsizdik qaýymdastyǵy», «Qazaqstannyń Internet qaýymdastyǵy», «Qazaqstandyq medıa-alıansy», «Óńirlik BAQtardyń Alıansy», «Kıbershabýyldardy zertteý jáne taldaý ortalyǵy» ókilderi, sondaı-aq aqparattyq-tehnıkalyq qorǵaý quraldarynyń otandyq óndirýshileri qatysty.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT