+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Elordada Abba men Queen-niń hıt ánderi medıtsına qyzmetkerlerine arnalyp shyrqaldy

2021 jylǵy 21 maýsym 00:35
Bólisińiz:
Elordada Abba men Queen-niń hıt ánderi medıtsına qyzmetkerlerine arnalyp shyrqaldy

NUR-SULTAN. QazAqparat – «Astana keshteri» H Halyqaralyq óner festıvaliniń bıylǵy gala-kontserti medıtsına qyzmetkerlerine arnaldy, dep habarlaıdy QazAqparat tilshisi.

Uqsas jańalyqtar
Almatyda epıdahýal kúrt nasharlady - Jandarbek Bekshın Atyraý oblysynda koronavırýs juqtyrǵandar sany taǵy kóbeıdi Koronavırýsqa shaldyqqan 1 325 naýqastyń jaǵdaıy aýyr

«MuzVac - úzdik mýzykalyq vaktsına!» ataýymen ótken «Astana keshteri» H Halyqaralyq óner festıvali halyq densaýlyǵyn qorǵap, koronavırýspen kúreste aldyńǵy shepten kóringen medıtsına qyzmetkerlerine shynaıy alǵys aıtý maqsatynda uıymdastyryldy.

Nur-Sultan qalasy emhanalarynyń qyzmetkerleri kontserttiń basty qonaqtary bolyp, álemge belgili ártisterdiń ónerin tegin tamashalaı aldy. Festıvaldiń uıymdastyrýshylary olarǵa kómek retinde «MuzVac» atty ózderiniń jańa mýzykalyq vaktsınasyn oılap tapty. Bul – vırýsty jeńý úshin ımmýnıtetti nyǵaıtýdyń, kóterińki kóńil-kúı syılaýdyń tıimdi quraly.

Mýzykalyq vaktsınanyń quramyna sahna maıtalmandary shyrqaǵan klassıkalyq óner jaýharlary endi. Kórermender Italııa men Shvetsııanyń tanymal juldyzdary – Antonello Karotstsa, Rıkkardo Bertotstsını, Mıa Stegmar - Djennı Tarnebergtiń ónerin tamashalady. Oǵan qosa, belgili otandyq ártister Erlan Rysqalı men Álfııa Kárimova, «Astana Opera» teatrynyń sımfonııalyq orkestri men Nur-Sultan qalasy Fılarmonııasynyń kameralyq hory óner kórsetti.

«Astana keshteri» qatysýshylary jobaǵa qýana-qýana kelisim berdi. Olar pandemııa kezinde qaısarlyq tanyqtan dárigerlerge alǵysyn bildirip, festıvaldiń izgi maqsattaryn bólisýge keldi. Búgingi árbir qoıylym, árbir týyndy aq halatty dárigerlerge arnalady», - dep atap ótti dırıjer Roberto Molınellı.

Kontserttik baǵdarlama álemdegi san myń tyńdarmanǵa jaǵymdy áser syılaǵan HH ǵasyrdyń úzdik týyndylarynan quryldy. Atap aıtqanda, «AVVA» jáne «Queen» toptarynyń tanymal ánderi, Ennıo Morrıkoneniń «Professıonal», «Mıssııa» syndy áıgili kınofılmderge jazylǵan mýzykasy bar. Arnaıy osy kontsert úshin ıtalııalyq kompozıtor Ennıo Morrıkoneniń uly óz beınequttyqtaýyn joldady. Ol ónerimen adamdardyń jan dúnıesin saýyqtyrýǵa jáne jaqsylyq jasaýǵa umtylǵan Morrıkoneniń mýzykasy «Degdar» qorynyń qaıyrymdylyq qyzmetimen úndes ekenin atap ótti.

Festıvaldiń uıymdastyrýshylary – «Degdar» gýmanıtarlyq qory, Nur-Sultan qalasynyń ákimdigi, JTI kompanııasy. Uıymdastyrýshylardyń baspasóz qyzmeti málimdegendeı, festıval «MuzVac - úzdik mýzykalyq vaktsına!» uranyn arqaý etip, elorda kúnin merekeleý aıasynda ótkizildi.

Aıta keteıik, «Astana keshteri» óner festıvali Darıǵa Nazarbaevanyń bastamasymen jas Elordamyzǵa degen zor súıispenshiliktiń belgisi retinde dúnıege kelgeni belgili. Bul festıval mýzykalyq ónerdiń san túrli janrlaryn biriktiretin erekshe kontseptsııanyń arqasynda elimizdiń mádenı ómirindegi ıgi dástúrge aınaldy. Festıvaldiń seriktesteri – QR Mádenıet jáne sport mınıstrligi, «Qazaqkontsert» memlekettik kontserttik uıymy, «Astana Opera» teatry, «Habar» agenttigi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT