+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

Elordada Abaı shyǵarmalary birneshe tilde oqyldy

2020 jylǵy 22 aqpan 16:08
Bólisińiz:
Elordada Abaı shyǵarmalary birneshe tilde oqyldy

NUR-SULTAN. QazAqparat - Elordadaǵy Dostyq úıinde Qazaqstan halqy Assambleıasynyń jáne qalalyq «Radıma» belarýs mádenı ortalyǵy qoǵamdyq birlestiginiń uıymdastyrýymen Halyqaralyq ana tili kúnine arnalǵan «Abaı jáne kóptildilik» atty dóńgelek ústel otyrysy ótti, dep habarlaıdy QazAqparat tilshisi.

Nur Sultan qalalyq ákimdigi janyndaǵy «Qoǵamdyq kelisim» KMM baspasóz qyzmetiniń málimetinshe, otyrysta «Radıma» belarýs mádenı ortalyǵy qoǵamdyq birlestiginiń tóraǵasy Dmıtrıı Ostankovıch ana tilin bilý árbir azamattyń paryzy ekenin atap ótip, Qazaqstanda tilderdiń damýyna tolyq jaǵdaı jasalyp otyrǵanyn maqtanysh sezimmen jetkizdi. Al Qazaqstan halqy Assambleıasy Tóraǵasynyń orynbasary, elordadaǵy ózbek etnomádenı ortalyǵy qoǵamdyq birlestiginiń tóraǵasy Sh.Pýlatov elimizde tilderdiń damýyna qatysty birqatar jumystardyń atqarylǵanyn aıtyp, ár tildiń ǵylymı damýy ereksheligine toqtaldy. Qazaqstandaǵy Belarýs Respýblıkasy Elshiliginiń konsýly Igor Ivanov álemdik deńgeıde keńinen tanymal bolǵan Abaı álemine tereń boılady.

«Abaı búkil dúıim jurtqa aty málim dara tulǵa. Ol - barsha adamzat balasynyń jetkilikti dárejede oqyp-úırengenin bar yqylasymen qalaǵan adam. Ǵylymdy ıgermeı, eshqandaı da ónimdi eńbek bolmaıtynyn aıtqan. Sondyqtan barshamyz osyǵan asa mán berýimiz kerek»,- dedi ol.


Bıyl elimizde Abaıdyń 175 jyldyǵy atap ótiledi. Osyǵan oraı, bul jyldyń mańyzy óte orasan. Abaı ilimi - máńgilik. Onyń ǵıbratty tálimi adamzat balasyn baýyrmaldyqqa, dostyqqa baýlıdy. El damýy úshin ozyq sapaly bilim men ǵylym basty orynda turatyny málim. Jıynda osy máseleler jan-jaqty sóz bolyp, qazaqstandyqtardyń birligin odan ári arttyra berýge mańyz berildi. Taǵylymdyq máni bar ıgi sharada Abaı shyǵarmalary armıan, qyrǵyz, sondaı-aq ol birneshe tilderde oqylyp, keshtiń sánin odan ári asha tústi. Osy keshte alǵash ret Abaıdyń «Kózimniń qarasy» shyǵarmasy polıak tilinde shyrqaldy.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT