Elordada 70-ke jýyq velosıped urlaǵan kúdiktiler ustaldy

NUR-SULTAN. QazAqparat - Elordalyq polıtseıler jyl basynan beri 42 kúdiktini ustap, 70-ke jýyq velosıped urlyǵyn ashty, dep habarlaıdy qalalyq PD baspasóz qyzmeti.

Uqsas jańalyqtar

Qapshaǵaıda áıel zorlamaq bolǵan adamdy úsh jumysshy ustap, polıtsııaǵa tapsyrdy

Bolat Baqaýov eki aıǵa qamaýǵa alyndy Tarazda túrmege joldanǵan kir sabyndardyń ishinen alty uıaly telefon shyqty Qaraǵandyda 6 kólikti aıdap ketken urylar ustaldy

«Jazǵy mezgilde elorda turǵyndary men qonaqtary kóbinese velosıpedpen júrýdi qalaıdy. Alaıda bul kólikti qaskóıler de kózdeıdi. Saraptama negizinde, ásirese túngi mezgilde úılerdiń kireberisinen, aýladan velosıped urlyǵy kóp tirkeledi. Qoldy qylǵan velosıpedterdi arzan baǵamen satady nemese basqa qalaǵa áketedi» delingen habarlamada.

Málimetke saı, 15 shildede tez arada 3 kúdikti ustaldy. Qazaqstan Respýblıkasynyń Qylmystyq Kodeksiniń 188-baby («urlyq») boıynsha sotqa deıingi tergeý júrip jatyr.

Sonymen qatar, ustalǵandardyń basqa da qylmystarǵa qatysy bar-joqtyǵy tekserilýde.

«Eger osy kúdiktilerdiń áreketinen zardap shekkender bolsa, myna telefondarǵa: 8 (7172) 71-60-28; 71-60-69 nemese «102» habarlasýdy suraımyz», - dep habarlaıdy PD baspasóz qyzmeti.