+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Elordada 50-den astam qosymsha uıaly baılanys stantsııasy ornatylady

2019 jylǵy 25 qyrkúıek 18:10
Bólisińiz:
Elordada 50-den astam qosymsha uıaly baılanys stantsııasy ornatylady

NUR-SULTAN. QazAqparat - Búgin elordada uıaly baılanys sapasyn jaqsartý jónindegi Jol kartasyna QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev pen Nur-Sultan qalasynyń ákimi Altaı Kólginov qol qoıdy. Bul týraly mınıstrliktiń baspasóz qyzmeti habarlady.

Uqsas jańalyqtar
Ashat Aımaǵambetov Úkimetten ár oblystan programmalaý mektebin ashyp berýdi surady

Júrgizilip jatqan jumys sheńberinde Nur-Sultan qalasy aýmaǵynda baılanys sapasyn arttyrý úshin 50-den astam qosymsha bazalyq stantsııa ornatý kózdelgen. Budan basqa, uıaly baılanys operatorlarynyń bazalyq stantsııalaryn bekitýge arnalǵan antennalyq dińgekter ornatý boıynsha da pılottyq joba iske asyrylýda.

«Uıaly baılanystyń sapasy bazalyq stantsııalardyń ornalasý orny men tyǵyzdyǵyna tikeleı baılanysty. Negizinen, máseleler osyndaı antennalardyń jetispeýshiliginen týyndaıdy. Operatorlar keı jaǵdaılarda olardy ózdiginen ornata almaıdy, sebebi rejımdik obektilerge ornatýǵa tyıym salynǵan, al turǵyn úılerge ornatýǵa turǵyndar qarsylyq bildirip jatady. Sondyqtan, ákimdikpen birlesip arnaıy dińgekter ornatý pılottyq jobasyn júzege asyrýdy qolǵa aldyq. Bul bazalyq stantsııalar sanyn arttyrý esebinen baılanys sapasyn jaqsartýǵa múmkindik beredi», - dep atap ótti Asqar Jumaǵalıev.

«Jyl sońyna deıin sıgnal qabyldaý deńgeıi tómen nemese turaqsyz aýdandarda bazalyq stantsııalardy ornatý úshin qosymsha 20 oryn belgilenedi. Onyń ishinde 5 dińgektiń qurylysy jeke ınvestıtsııalar esebinen salynady. Biz úshin bul jobanyń mańyzy zor. Elorda turǵyndarynyń sapaly uıaly baılanysqa teń dárejede qol jetkizýin qalaımyz», - dedi óz sózinde qala ákimi Altaı Kólginov.

Aıta keterlik jaıt, Mınıstrlik ótken jyly ýche-Býrabaı kýrorttyq aımaǵynda baılanys sapasyn jaqsartý úshin Aqmola oblysynyń ákimdigimen birge osyndaı jobany júzege asyryp, baılanys operatorlary bıiktigi 35 metrlik dińgekterge ózderiniń bazalyq stantsııalaryn ornalastyrdy. Bul barlyǵy úshin tıimdi joba boldy: ákimdik pen azamattar sapaly uıaly baılanysqa qol jetkizse, baılanys operatorlary qyzmet kórsetý aımaǵyn keńeıtti.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT