+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Elordada 300-ge jýyq kásipkerlik nysan «ASHYQ» kóshbasshysy atandy

2021 jylǵy 23 qyrkúıek 13:40
Bólisińiz:
Elordada 300-ge jýyq kásipkerlik nysan «ASHYQ» kóshbasshysy atandy

NUR-SULTAN. QazAqparat - Elordada 13 myńnan astam kásipkerlik sýbekti «ASHYQ» jobasyna qatysýda, olardyń 294-i onyń kóshbasshysy bolyp esepteledi. Bul statýs jumys ýaqytyn, sondaı-aq kelýshiler sanyn arttyrýǵa múmkindik beredi, dep habarlaıdy QazAqparat qala ákimdiginiń resmı saıtyna silteme jasap.

Uqsas jańalyqtar
Nur-Sultanda júrek donorlarynyń qurmetine art-nysan ashyldy Elordada Astana Mining&Metallurgy 11-shi taý-ken metallýrgııa kongresi ótip jatyr Elordada «Avtomobıl» jedel aldyn alý sharasy barysynda urlanǵan 28 kólik tabyldy

Elordada «ASHYQ» jobasynyń kóshbasshylarynyń tizimi birneshe aptada jańartylyp otyrady. Nur-Sultan qalasy «Atameken» kásipkerler palatasy dırektorynyń orynbasary Qýanyshbek Muqash kásipkerlerge osy statýstyń artyqshylyqtaryn aıtyp berdi.

«Nur-Sultan qalasy boıynsha qazir «ASHYQ» jobasyna qatysatyn 13 myńnan astam kásipkerlik nysan bar. Qazirgi ýaqytta elordada osy jobanyń 294 kóshbasshysy anyqtaldy. Kóshbasshylar ózgelerine qaraǵanda eki saǵat artyǵyraq jumys isteýge quqyly. Al mekeme qyzmetkerleriniń 90 paıyzy ekpe alǵan bolsa, olar kelýshiler sanyn kóbeıtýge quqyly. Mysaly meıramhanalarǵa kelýshilerdiń 50%-yn bir ýaqytta qabyldaýǵa ruqsat etilse, ASHYQ kóshbasshylary bul sandy 70%-ǵa deıin arttyra alady. Meıramhanalar men kafeler úshin bul óte jaqsy motıvatsııa. Barlyǵy kóshbasshy bolǵysy keledi. Buryn 150 nysan joba kóshbasshysy bolsa, qazir olardyń sany 300-ge jýyq», - dedi Qýanyshbek Muqash.

Búginde elordanyń kásipkerlik nysandarynyń kópshiligi «ASHYQ» jobasyna qatysa otyryp, QR-kodty skanerleý arqyly óz qyzmetin júzege asyrady. Osylaısha kóptegen meıramhanada kelýshiler sany artty. Bul azamattardyń densaýlyǵynyń qaýipsizdigin qamtamasyz etedi jáne úı karantınin buzýshylardy anyqtaýǵa múmkindik beredi.

«ASHYQ» jobasy bıznestiń, ásirese karantın kezinde zardap shekken meıramhananyń jumysyna kóp kómektesedi. Jaqynda biz «ASHYQ» kóshbasshysy boldyq, bul bizdiń jumys ýaqytymyzdy kóbeıtti. Endi biz burynǵydaı 00:00-ge deıin emes túngi 2-ge deıin jumys isteı alamyz, tıisinshe kelýshiler sany 20%-ǵa artty. Kelgen jurt QR kodty esh qıyndyqsyz skanerleıdi, onyń nátıjesinde azamattardyń kópshiliginiń vaktsınatsııalanǵanyn baıqaımyz», - dep atap ótti «KOREAN HOUSE» meıramhanasynyń menedjeri Roza ıÝgaı.

«Ásem» SO dırektory Nurlan Nurmaǵanbetov «ASHYQ» júıesiniń artyqshylyqtaryn atap ótti. Saýda ortalyǵy jobanyń kóshbasshysy bolyp sanalady.

«ASHYQ» jobasyn biz pılottyq joba retinde 23 shildede iske qostyq. Búginge deıin «qyzyl» jáne «sary» statýsy bar 15-ke jýyq turǵyn saýda ortalyǵyna kirmek boldy. Al qazir «ASHYQ» kóshbasshysy bolyp sanalamyz. Eki apta ishinde 40 myń check in júzege asyrýǵa múmkindigimiz bar. Qazirgi ýaqytta júıeni qoldanýda eshqandaı problema týyndamaıdy. Ǵımaratqa kelýshilerdiń bári maska rejımi men qashyqtyqty saqtaıdy. Al joba kóshbasshysy atanǵandar úshin artyqshylyqtar qarastyrylǵan. Sondyqtan qalamyzdaǵy barlyq nysan joba aıasynda kóshbasshy bolýǵa umtylýy tıis dep esepteımin. Mysaly, elorda «qyzyl» aımaqta bolsa, biz kóshbasshy retinde «sary» aımaqtyń talaptaryna sáıkes jumys isteı alamyz. Al «sary» aımaqta bolsaq, «jasyl» talaptaryna sáıkes jumys isteımiz. Bul bizge jumys ýaqytyn 2 saǵatqa uzartýǵa, kelýshiler qataryn 10%-ǵa tolyqtyrýǵa múmkindik beredi», - dedi Nurlan Nurmaǵambetov.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT