Elordada 30 myń medıtsınalyq maska tegin taratylýda

NUR-SULTAN. QazAqparat – Nur-Sultan qalasyndaǵy «Magnum Cash&Carry» bólshek saýda jelileri men adamdar kóp júretin qoǵamdyq oryndarda tegin maska taratylýda, dep habarlaıdy QazAqparat tilshisi.

Uqsas jańalyqtar

Atyraý oblysynda bir táýlikte 111 adam koronavırýsqa shaldyqty

Almatyda telemedıtsına ortalyǵy koronavırýs juqtyrǵan naýqastarǵa táýlik boıy kómek kórsetedi Koronavırýs: Nur-Sultanmen qatar 6 oblys áli de «qyzyl» aımaqta tur Qazaqstanda koronavırýstan emdelip jatqan 50 adamnyń jaǵdaıy óte aýyr

«Memleket basshysy Qasym-Jomart Toqaev halyqty maskamen qamtamasyz etý kerektigi týraly aıtqan bolatyn, sebebi azamattardyń qaýipsizdigi birinshi orynǵa qoıylady. Búgin Nur-Sultan qalasy boıynsha 30 myń medıtsınalyq maska taratý josparlanyp otyr. Aktsııa saýda ortalyqtary, qoǵamdyq kólikterdiń ishi sııaqty qalanyń adamdar kóp júretin 5 núktesinde júzege asady. Adam basyna 5 maskadan beriledi. Karantın rejıminiń maqsaty – koronavırýstyń taralý qaýpin azaıtý, sol sebepti karantın kezinde bárińizdi úıde otyrýǵa shaqyramyz. Qala boıynsha 24/7 rejıminde jumys istep jatqan 200 volonter bar. Olar «Nur Otan» partııasymen birlesip, halyqtyń áleýmettik az qamtylǵan tobyna azyq-túlik, maska taratýǵa, sondaı-aq Polıtsııa departamenti ókilderimen birlesip, dámhana, meıramhanalardyń jumysyna reıd jasaýǵa, tıisti organǵa jedel túrde habarlasyp, onyń jabylýyna kómektesýde», - deıdi Nur-Sultan qalasy Jastar saıasaty máseleleri basqarmasynyń basshysy Dáýlet Káribek.

Bul aktsııa Almaty qalasynda jalǵasyn tabady.

«Búgin aktsııany Shymkent qalasynda ótkizýdi josparlap otyrmyz. Shymkentte shamamen 40 volonter bar. Eki qalada shamamen 60 myń maska taratylady dep josparlanýda. Osyndaı aktsııany Almaty qalasynda da ótkizý boıynsha kelissóz júrgizilip jatyr.», - deıdi Mega pharma kompanııasynyń personaldarmen jumys isteý boıynsha menedjeri Vladıslav Andreev.

Tegin maska alǵan qala turǵyndary osy sharany uıymdastyrýshylarǵa alǵys bildirdi.

«Osy sharany uıymdastyryp jatqan azamattarǵa rahmet. Qazir dárihanadan maska tabý qıyndap ketken ýaqytta bul tamasha kómek boldy», - deıdi qala turǵyny Qobylandy Qudakeldi.