+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Elordada 3 myńnan astam ınternet alaıaqtyq qylmysy tirkelip, 100 adam ustaldy

2021 jylǵy 28 qyrkúıek 12:24
Bólisińiz:
Elordada 3 myńnan astam ınternet alaıaqtyq qylmysy tirkelip, 100 adam ustaldy

NUR-SULTAN. QazAqparat – Elordada jyl basynan beri 3250 ınternet alaıaqtyq qylmysy anyqtalyp, ol boıynsha 100 adam ustaldy. Olar barlyq somasy 150 mln teńgege shyǵyn keltirgen. Bul týraly Nur-Sultan qalasy Polıtsııa departamentiniń kıberqylmyspen kúres bóliminiń basshysy Talǵat Bólegenov málim etti, dep habarlaıdy QazAqparat tilshisi.

Uqsas jańalyqtar
Qazaqstanda ınternet arqyly esirtki taratýshylarǵa qandaı jaza qarastyrylǵan Júkti áıeldi óltirgeni úshin 20 jylǵa sottaldy - Pavlodar oblysy Aqmola oblysynda jergilikti turǵyndy atyp ketken malshy ustaldy

«Jyl basynan beri Nur-Sultan qalasy aýmaǵynda 3250 ınternet alaıaqtyq qylmysy tirkeldi. Bul ótken jylmen salystyrǵanda 135 paıyzǵa artyq. Internet alaıaqtyq ásirese pandemııa kezinde órshigeni baıqalady. Karantındik shekteýlerge baılanysty kóp adamdar ınternet qyzmettiń kómegine júgine bastady. Bizdiń departament tarapynan ınternet alaıaqtyqpen kúresý jolynda birqatar sharalar iske asyp jatyr. Sonyń biri atalǵan qylmys túrin zertteý jáne ashý boıynsha mamandandyrylǵan jedel tergeý toby quryldy. Nátıjesinde búginde elordada 100 ınternet alaıaq ustalyp, qylmystyq jaýapqa tartyldy. Olar jalpy somasy 150 mln teńgeniń shyǵynyn keltirdi, onyń 50 mln teńgesi zardap shegýshilerge qaıtaryldy. Ustalǵan 100 qylmyskerdiń 45-i buǵan deıin ınternet alaıaqtyq boıynsha jaýapqa tartylǵan bolyp shyqty», - dedi Talǵat Bólegenov elordanyń Polıtsııa departamentinde ótken baspasóz máslıhatynda.

Spıkerdiń sózinshe, elordada ınternet alaıaqtyqpen aınalysatyndardyń deni 20 men 35 jas aralyǵyndaǵy azamattar.

«Internet alaıaqtyqtyń aldyn alý men kúresýde mamandardyń biliktiligin kóterý qarastyrylǵan. Bizdiń qyzmetkerler kıberqylmyspen kúresý boıynsha arnaıy oqý kýrsyn ótip otyrady. Sonymen qatar, atalǵan qylmyspen kúreste BAQ arqyly da halyqty saq bolýǵa shaqyryp jatyrmyz. Odan bólek, bizdiń departament ınternet alaıaqtyq týraly arnaıy beınerolıkter ázirledi. Ol halyq jıi shoǵyrlanatyn jerlerde kórsetiletin bolady», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT