Elordada 2 bala menıngıt juqtyrdy - mamandar úndeý joldady

NUR-SULTAN. QazAqparat - Nur-Sultan qalasynyń taýarlar men qyzmetterdiń sapasy men qaýipsizdigin baqylaý departamentiniń basshysy Sádýaqas Baıǵabylov qala turǵyndaryna vırýsty menıngıttiń maýsymdyq órshýine baılanysty úndeý tastady, dep habarlaıdy QazAqparat tilshisi

Uqsas jańalyqtar

Almatyda jappaı menıngıt taraǵany týraly aqparat jalǵan – ákimdik

Elimizde menıngıtke qatysty ahýal qandaı Qazaqstanda menıngokokk ınfektsııasyn juqtyrý 2 ese azaıdy

«Jańa oqý jyly qarsańynda elordada vırrýstyq menıngıttiń órshýi kútiledi. Osy jyldyń 8 aıynda Nur-Sultan qalasynda vırýstyq menıngıt dıagnozymen 240 adam, onyń ishinde 14 jasqa deıingi 173 bala juqpaly statsıonarlarda emdeldi. Búgingi tańda 58 bala menıngıt dıagnozymen em alýda. Oqý jylynyń basynda aýrýshańdyq saqtalady. Vırýs sý men kókónister, jemister, tamaq ónimderi, jýylmaǵan qol arqyly beriledi. Syrtqy aýa temperatýrasynyń ózgerýi saldarynan balalardaǵy ımmýnıtettiń tómendeýi jaǵdaıdy qıyndatady», - delingen úndeýde.

Resmı aqaparat boıynsha, vırýsty menıngıtpen balalar men jasóspirimder jıi aýyrady, al eresekter óte sırek shaldyǵady.

«Eger balańyz vırýsty menıngıtpen aýyryp qalsa, úreılenýdiń qajeti joq. Ol bakterııalyq nemese irińdi menıngıt sııaqty qaýipti emes. Aýrýhanaǵa der kezinde júginý qysqa merzimde saýyǵyp, sımptomatıkalyq em alýǵa múmkindik beredi. Keshigip emdetý mı zaqymdanýynyń (menıngıt/entsefalıt) asqynýyna nemese vırýstyń tasymaldaýyna ákelýi múmkin», - delingen málimette.

Vırýsty menıngıt sımptomdary: álsizdik, bas aýrýy, bórtpe bolýy múmkin, asqazan-ishek joldarynyń buzylýy, joǵary temperatýra (qusý, dıareıa).

Departament basshysy enterovırýstyq ınfektsııalarǵa qarsy arnaıy dáriler nemese ekpe joq bolǵandyqtan, qarapaıym jáne tıimdi aldyn alý sharalaryn usynǵan. Olar:

* arnaıy ydystaǵy nemese qaınaǵan sýdy ishý;

* jeke gıgıena erejelerin saqtaý;

* jemis-jıdek pen kókónisterdi qoldanar aldynda jýý, múmkindiginshe qaınaǵan sý men jemister berý;

* júzý basseınderine barar aldynda óndiristik zerthanalyq baqylaý nátıjelerimen tanysý.

7 qyrkúıekte № 30 «Qaınar» bala-baqshasynyń eki balanyń silekeıinen vırýsty menıngıt anyqtalýyna baılanysty, departament aýrý tirkelgen topta shekteý is-sharalaryn engizdi. ıAǵnı, jańa balalardy qabyldaýǵa jáne balalardy basqa topqa aýystyrýǵa, sondaı-aq buqaralyq is-sharalarǵa qatysýǵa tyıym salynady. Naýqas bóbektermen baılanysta bolǵan balalar 14 kún boıy baqylaýda bolady. Baıbalam týǵyzýǵa negiz joq», - delingen departament taratqan málimette.

Vırýstyq menıngıt kezinde jedel em jasap, alǵashqy sımptomdar kezinde asqynýdy boldyrmaý úshin medıtsınalyq kómekke júginý mańyzdy.