+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Elordada 1815 júrgizýshi jol apatynan keıin oqıǵa ornynan qashyp ketken

2020 jylǵy 24 qyrkúıek 18:00
Bólisińiz:
Elordada 1815 júrgizýshi jol apatynan keıin oqıǵa ornynan qashyp ketken

NUR-SULTAN. QazAqparat – Elordada jyl basynan beri 1815 júrgizýshi jol-kólik apatynan keıin oqıǵa ornynan boı tasalaǵan, dep habarlaıdy QazAqparat tilshisi.

Máselen, Nur-Sultan qalalyq Polıtsııa departamentiniń málimetinshe, osy jyldyń tamyz aıynda 102 nómirine qońyraý shalǵan elorda turǵyny Táýelsizdik dańǵyly boıyndaǵy turaqta «Ravon Nexia R3» kóligin belgisiz kóliktiń qaǵyp, júrgizýshisi oqıǵa ornynan ketip qalǵandyǵyn habarlaǵan.

«Nur-Sultan qalalyq PD Jergilikti polıtsııa qyzmeti Іzdestirý basqarmasynyń qyzmetkerleri izdeý sharalary barysynda elordanyń 39 jastaǵy turǵynyn ustady. Ol 10 tamyz kúni saǵat shamamen 17.00-de Táýelsizdik dańǵylyndaǵy turaqta «GAZ 2705» kóligimen arqa jyljyp kele jatyp, «Ravon Nexia R3» kóligin soǵyp ketkeni anyqtaldy. Buǵan qosa, tekserý barysynda atalǵan azamatta saqtandyrý polısi bolmaǵany belgili boldy«, - dedi vedomstvodan.

Ákimshilik sot sheshimimen elorda turǵyny QR Ákimshilik quqyq buzýshylyq kodeksiniń birneshe babymen jaýapkershilikke tartylyp, 66 672 teńge aıyppul tóledi. Sonymen qatar ol 1 jylǵa júrgizýshi kýáliginen aıyryldy.

Osyǵan oraı Nur-Sultan qalalyq Polıtsııa departamenti júrgizýshilerge Jol júrisi erejesin saqtaý qajettigin eskertip otyr. Oqıǵa ornynan qashyp ketken jaǵdaıda júrgizýshi kýáliginen aıyrylady. Elordada jyl basynan beri 1815 júrgizýshi jol apatynan keıin oqıǵa ornynan boı tasalaǵan.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT