Elordada 12 myńnan astam páter tekserildi
2022 jylǵy 23 qańtar 02:30

Elordada 12 myńnan astam páter tekserildi

NUR-SULTAN. QazAqparat - Elordada «Quqyqtyq tártip» jedel-profılaktıkalyq is-sharasy ótip jatyr, dep habarlaıdy QazAqparat Nur-Sultan qalalyq polıtsııa departamentiniń baspasóz qyzmetine silteme jasap.

Polıtseıler men áskerı qyzmetkerlerden quralǵan mobıldi toptar qala kóshelerin aralady.

Shara bastalǵaly 12 myńnan astam páter, sondaı-aq jaldamaly turǵyn úıler tekserildi.

Sonymen qatar, polıtseıler kólik júrgizýshileriniń jol qozǵalysy erejelerin buzý faktilerin anyqtady.

Elorda joldarynda 16 mas júrgizýshi ustalyp, kólikter kommýnaldyq turaqqa qoıyldy.

Sonymen, keshe túngi saǵat 00.05-te Túrkistan-Syǵanaq kósheleriniń qıylysynda polıtsııa polkiniń mamandandyrylǵan batalonynyń qyzmetkerleri 26 jastaǵy júrgizýshi basqarǵan VAZ kóligin toqtatty.

Qujattardy tekserý kezinde júrgizýshiden alkogol ıisi shyqqan.

Saraptama qorytyndysy boıynsha er adamda jeńil dárejeli alkogoldik ýlaný anyqtaldy. Quqyq buzýshyǵa qatysty QR QK 608-baby boıynsha ákimshilik is qozǵaldy.

Protsessýaldyq sheshimdi sot qabyldaıdy. Kólik qoǵamdyq kólik turaǵyna qoıyldy.

«Esterińizge salaıyq, kólikti mas kúıinde basqarǵany úshin tártip buzýshylar 15 táýlikke qamaýǵa alynady jáne jeti jyl merzimge kólik quralyn basqarý quqyǵynan aıyrylady», - dep habarlady polıtsııa qyzmeti.


Avtor:
Tilshi

Jańalyqtar

MURAǴAT