+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Elordada 107 456 adam tumaýǵa qarsy vaktsına saldyrdy

2019 jylǵy 12 qarasha 15:20
Bólisińiz:
Elordada 107 456 adam tumaýǵa qarsy vaktsına saldyrdy

NUR-SULTAN. QazAqparat - Nur-Sultan qalasynyń taýarlar men qyzmetter sapasyn jáne qaýipsizdigin baqylaý departamentiniń basshysy Sádýaqas Baıǵabylov astanalyqtardyń tumaý vırýsyna qarsy vaktsınatsııa alýy jóninde túsinik berdi, dep habarlaıdy QazAqparat vedomstvonyń baspasóz qyzmetine silteme jasap.

Jyl saıyn kúz mezgilinen bastap JRVI jáne tumaý aýrýynyń maýsymdyq ósýi baıqalady.

«Ótken jylǵy elorda turǵyndarynyń aýrýshańdyǵy shekti deńgeıden aspady, óıtkeni bıylǵy 3 qazannan bastap jedel respıratorly vırýstyq ınfektsııalardyń 4439 jaǵdaıy tirkeldi, al 2018 jyldyń dál osy kezeńinde 8286 jaǵdaı bolǵan. JRVI-men aýyrǵandardyń negizgi bóligi - 14 jasqa deıingi balalar (65,26%), onyń ishinde 1 jasqa deıingi balalar -12,55%.

Elordadaǵy vırýsologııalyq zertteýlerdiń nátıjesi boıynsha eki adamda V túrindegi tumaý anyqtalǵan.

Nur Sultan qalasynda osy jyldyń 1 qazanynda jyl saıynǵy halyqty tumaýǵa qarsy ımmýndaý bastaldy. Sodan beri 107 456 turǵynǵa ekpe egildi, barlyǵy asqynýsyz jaqsy ótti.

Sonymen qatar, jergilikti bıýdjet esebinen 92 231 adamǵa ekpe egildi, onyń ishinde 30 789 bala jáne 61442 eresek adam boldy. Al jumys berýshiler esebinen - 13743 adam, aqyly negizde - 1482 adamǵa ekpe egildi.

Tumaý vırýsy jótelý nemese túshkirý kezinde juqtyrǵan adamnyń tamshylarymen, sondaı-aq qarapaıym zattarmen (esiktiń tutqalary, lıft túımeleri, avtobýs tutqalary, qaǵaz aqshalar, qol syǵymdary) ońaı beriledi.

Vaktsınatsııadan keıin ımmýnıtet 14 kúnnen soń qalyptasady jáne maýsym boıy - 12 aıǵa sozylady. Usynylatyn vaktsınatsııa merzimi - qazan men qarasha.

Jedel respıratorly vırýstyq ınfektsııalardyń kópshiligi salystyrmaly túrde ońaı kóringenimen, tumaýdyń klınıkalyq kórinisi qıyn - dene qyzýy 39-40 gradýsqa deıin kóterilip, qatty qaltyraý, jótel, jalpy álsizdik, murynnyń aǵýy, qatty bas aýyryp, sondaı-aq bulshyq et pen býyn aýyrýy sııaqty belgileri bolady.

Tumaý kezinde pnevmonııamen aýyratyndarda jáne jıi aýyratyn balalarda, júkti áıelderde, qarttarda jáne sozylmaly aýrýlary bar adamdarda asqynýlar jıi bolady.

JRVI jáne tumaýmen aýyrǵan kezinde kelesi aldyn alý sharalaryn saqtaý qajet:

• qoldy únemi sabyndap jýyńyz;

• naýqas adamdarmen jaqyn qarym-qatynastan aýlaq bolyńyz;

• naýqas adam vırýstyń taralýyn boldyrmaý úshin maska kııý kerek;

• adamdar kóp jınalatyn jerlerde bolýǵa (jınalystar, jınalystar, merekelik sharalar) shekteý qoıý;

• bólmeni únemi jeldetip turyńyz.

Іssaparlar men alys-jaqyn shetelge saparlaýdy josparlasańyz, osy elderdegi juqpaly aýrýlar týraly málimetterdi bilip alý qajet.

Aldaǵy maýsymda elordada tumaý vırýsynyń 4 shtammy ózekti bolady: A/Brisbane (H1N1), A/Kansas (H3N2), B/Colorado ı B/Phuket) .

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT