+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Elorda jastary jobasy: Qoldaý kórsetýdiń jańa baǵyty pysyqtalyp jatyr

2020 jylǵy 30 qarasha 17:12
Bólisińiz:
Elorda jastary jobasy: Qoldaý kórsetýdiń jańa baǵyty pysyqtalyp jatyr

NUR-SULTAN. QazAqparat – Bul týraly Nur-Sultan qalasy Jastar saıasaty basqarmasynyń basshysy Dáýlet Káribek málim etti, dep habarlaıdy QazAqparat tilshisi.

Uqsas jańalyqtar
Altaı Kólginov elordanyń azyq-túlik qaýipsizdigi týraly aıtyp berdi Ýly órmekshiler: Elordada erekshe kórme ótip jatyr Elordada boıjetken úshin janjaldasqan jigitter qarýdan oq atqan

Qala ákimdiginde ótken baspasóz máslıhatynda «Elorda jastary» baǵdarlamasy jaıynda suraq qoıyldy.

«Halyq únine qulaq asatyn memleket» týraly Memleket basshysy Qasym-Jomart Toqaev aıtqan bolatyn. Osynyń aıasynda elorda ákimi Altaı Kólginov tamyz-qyrkúıek aılarynda jastarmen kezdesken kezde tıisti usynys tústi. Jastardyń ózindik erekshelikteri, jyl saıyn oqýǵa túsetin jastardyń máselesi aıtyldy. Bul turǵyda jastardyń máselesin tolyqqandy sheshetin «Elorda jastary» atty baǵdarlama qabyldaý boıynsha usynys boldy», - dep toqtaldy D. Káribek.

Onyń aıtýynsha, tıisti usynystar áleýmettik jeliler arqyly jınaqtaldy. Osynyń nátıjesinde usynystar bir baǵytqa, baǵdarlamaǵa engizildi.

«Birinshiden, jastardyń ary qaraı áleýmettenýine, ósýine ne qajet? Osy oraıda sapaly bilim kerek. Ekinshiden, oqýdy bitirgen soń, ósip-jetilýine memlekettik granttar, sportpen aınalysýyna múmkindikter jasalýy qajet. Bul turǵyda qalanyń ishinde qajetti nysandar bar. Sondyqtan qalanyń shet jaǵynda zamanaýı dene shynyqtyrý ortalyqtaryn qarastyrý eskerilgen», - dep túsindirdi basqarma basshysy.

Sonymen qatar ol jumyspen qamtý, jastardyń arasynda kásipkerlikti nasıhattaý, olarǵa qolaıly jasaý baǵyttaryna ekpin qoıylyp otyrǵanyn jetkizdi.

«Otbasyn qorǵaý», «Otbasy – baqyt mekeni» sekildi jobalardy iske asyrýdan basqa, sondaı-aq jastarǵa arnalǵan satyp alý quqyǵynsyz jalǵa beriletin páterlerden bólek, taǵy da Turǵynúıqurylysbankimen birlese «Elorda jastary» degen jeńildetilgen nesıe berý baǵdarlamasynyń jobasyn qarastyryp jatyrmyz. Bul joba boıynsha usynystar bolsa, ony qoǵamdyq keńeske usynamyz, sodan keıin máslıhatqa shyǵaryp, qarjylyq jaǵyn pysyqtaımyz», - dedi Dáýlet Káribek.

Budan buryn habarlanǵandaı, 2020 jyly elordada jumysshy jastarǵa 350 páter beriledi.

1-6 jeltoqsan aralyǵynda «Jumys isteıtin jastarǵa arnalǵan satyp alý quqyǵynsyz jalǵa beriletin turǵyn úı» baǵdarlamasy boıynsha qujat qabyldanady.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT