+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Elorda turǵyny burynǵy áıelin kóliginiń kapotyna jarmasqan kúıi júıtkigen

2020 jylǵy 22 qazan 22:19
Bólisińiz:
Elorda turǵyny burynǵy áıelin kóliginiń kapotyna jarmasqan kúıi júıtkigen

NUR-SULTAN. QazAqparat – Elorda turǵyny kóliginiń kapotyna jarmasqan burynǵy áıelin qala kóshelerimen júıtkigen, dep habarlaıdy QazAqparat tilshisi.

«KIA Cerato» kóliginiń kapotyna kelinshegin otyrǵyzyp, elorda kóshelerin kezgen qala turǵynyna qatysty ákimshilik is qozǵaldy,

Nur-Sultan qalalyq Polıtsııa departamentiniń málimetinshe, otbasylyq drama tún ortasynda Gete kóshesindegi vokzal mańyndaǵy alańnan bastalǵan. Kólikte sóılesip otyrǵan erli-zaıyptylardyń arasynda janal týyndaǵan.

Áıeldiń aıtýynsha, mashınadan shyqqan kezde salonda qujattarynyń qalyp qoıǵany esine túsken. Al kúıeýi esikti ashpaı, qozǵala bastaǵan. Sol sátte kelinshek kólik kapotyna sekirip, jatyp alǵan. Buǵan da qaramaǵan kúıeýi júrisin jalǵastyryp, tipti jyldamdyq arttyra bastaǵan.

Kapotqa jabysqan áıeldi kórgen ózge júrgizýshiler ony toqtatýǵa tyrysqanymen, «KIA Cerato» ıesi jyldamdyqty tómendetpegen. Tipti, ózge kólikterdi basyp ozǵan. Alaıda, basqa kólik ıeleri oǵan tosqaýyl qoıdy.

«Jedel basqarý ortalyǵy beınebaqylaý kamerasynyń kómegimen túngi qýǵyndy baıqap qalyp, oqıǵa ornyna avtopatrýl polıtsııasynyń ekıpajyn jiberdi. Oqıǵa ornyna jetken polıtsııa qyzmetkerleri júrgizýshi men áıeldi polıtsııa basqarmasyna jetkizdi. Burynǵy erli-zaıyptylar ózara mán-jaıdy anyqtaǵannan keıin, bir-birine talaptary bolmady. Áıel zardap shekken joq. Atalǵan fakti boıynsha «KIA Cerato» kóliginiń júrgizýshisine qatysty QR Ákimshilik quqyq buzýshylyq kodeksiniń 593-baby 1-bóligimen ákimshilik óndiris qozǵaldy«, - dep atap ótedi departamentten.

Nur-Sultan qalalyq PD basshylyǵy jolda qaıǵyly jaıttyń oryn alýyna jol bermegen ózge júrgizýshilerge rızashylyǵyn bildirip otyr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT