+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

Elorda turǵyndary Memlekettik rámizder kúnine arnalǵan patrıottyq aktsııany qoldady

2020 jylǵy 4 maýsym 18:03
Bólisińiz:
Elorda turǵyndary Memlekettik rámizder kúnine arnalǵan patrıottyq aktsııany qoldady

NUR-SULTAN. QazAqparat - Nur-Sultan ákimdiginiń qyzmetkerleri Memlekettik rámizder kúnine arnalǵan aktsııaǵa qatysty, dep habarlaıdy QazAqparat elorda ákimdiginiń resmı saıtyna silteme jasap.

Búgin Nur-Sultan ákimdiginiń qyzmetkerleri Qazaqstannyń Ánuranyn shyrqap, Memlekettik rámizder kúnine arnalǵan chellendje qatysty. Bastamashylardyń aıtýynsha, patrıottyq aktsııany 100-den astam uıym, onyń ishinde bıznes ókilderi qoldady. Áleýmettik jelilerde #MenińTýym, #MemlekettikRámizder, #BizBirgemiz, #MenińElimQazaqstan heshtegterimen 3000-nan astam jazbalar men vıdeolar jarııalandy. «Men barsha qazaqstandyqtardy osy uly merekemen quttyqtaımyn. Táýelsizdigimiz máńgilik bolsyn!» – dedi Nur-Sultan qalalyq din isteri basqarmasynyń bastyǵy Nurdáýlet Álmuhanov.


«Memlekettik rámizder kez kelgen memlekettiń damýynyń ajyramas bóligi. Bul halyqtyń kelisimi men birliginiń, elimizdiń egemendigi men turaqtylyǵynyń belgisi. Otanǵa degen súıispenshilik, patrıotızm memlekettik rámizderdi qurmetteýden bastalady. Árbir qazaqstandyqtyń azamattyq paryzy –qasıetti qundylyqtarǵa degen tereń qurmet. Men elimizge odan ári órkendeý tileımin!» – dedi óz kezeginde Nur-Sultan qalasynyń tilderdi damytý jáne muraǵat isi basqarmasynyń bastyǵy Tileýǵalı Qyshqashbaev.

Aıta ketsek, búgin elordada Memlekettik rámizder kúnine arnalǵan aktsııa ótti. Azamattar eldiń basty ánin aıtyp, bir-birine joldaýda. #MenińTýym, #MemlekettikRámizder, #BizBirgemiz, #MenińElimQazaqstan heshtegterin qoldanǵan beınerolıkter áleýmettik jelilerde jarııalandy. Beınerolıkter patrıottyq sezimdi, elorda turǵyndarynyń birligin nyǵaıtýǵa arnalǵan jáne memlekettik rámizderge qurmet kórinisi.


4 maýsym – Qazaqstan Respýblıkasynyń Memlekettik rámizderi kúni. Memlekettik rámizder – búkil álemde eldiń táýelsizdigin, halyqtyń patrıotızmin, batyrlyǵy men danalyǵyn, jarqyn bolashaqqa umtylysynyń, memleketimizdiń ótkeni, búgini men bolashaǵy arasyndaǵy sabaqtastyqtyń beınesi. Osy merekeni atap ótý jáne memlekettik rámizderge degen qurmetti arttyrý maqsatynda Nur-Sultan qalasynda birqatar is-sharalar ótkiziledi.



Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT