2022 jylǵy 30 maýsym 15:02
Elorda turǵyndary «Qazaqstan» sport saraıy qurylysynyń baıaý júrip jatqanyna narazy
NUR-SULTAN. QazAqparat – Elorda turǵyndary «Qazaqstan» sport saraıy qurylysynyń baıaý júrip jatqanyna narazy. Bul týraly Nur-Sultan qalalyq máslıhatynyń depýtaty Almat Júnisov aıtty, dep habarlaıdy QazAqparat tilshisi.
«Máslıhat depýtattary memleket pen jeke seriktes arasyndaǵy memlekettik-jekeshelik áriptestestik kelisimsharttaryn qaıta qaraý múmkindigine qatysty másele kótergen edi. Osy jyldyń maýsymynda máslıhat «Qazaqstan» sport saraıyn zııatkerlik tehnologııalardy paıdalana otyryp jańǵyrtý jáne odan ary paıdalaný boıynsha memlekettik-jekeshelik seriktestik jobasyn qarady», - dedi Almat Júnisov qalalyq máslıhat otyrysynda.
Onyń paıymynsha, joba óte baıaý júrgizilip jatyr. qurylys merzimine qatysty da suraqtar bar.
«Jobalyq-smetalyq qujattamaǵa saraptama júrgizilgen. Degenmen, turǵyndar tarapynan suraq kóp. Qala turǵyndary «Qazaqstan» sport kesheni birneshe jyl boıy qandaı sebeptermen jumys istemeı turǵanyn bilgileri keledi», - dedi depýtat.
Buǵan deıin Nur-Sultan qalasy ákiminiń orynbasary Eset Báıken elordadaǵy «Qazaqstan» sport keshenin jóndeý jumystary taıaýda bastalatyndyǵyn aıtqan edi.
Sondaı-aq... oqyńyz
TOP
