+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Elorda saqshylary qala shetinde daǵdylaryn shyńdap qaıtty

2019 jylǵy 23 qazan 23:28
Bólisińiz:
Elorda saqshylary qala shetinde daǵdylaryn shyńdap qaıtty

NUR-SULTAN. QazAqparat – Nur-Sultan qalalyq Polıtsııa departamentiniń jeke quramy qala shetinde oqý-jattyǵý jıynyn ótkizdi, dep habarlaıdy QazAqparat tilshisi.

Uqsas jańalyqtar
Túrkistan oblysynyń ár aýdanynda polıtseılerdiń saptyq baıqaý ótkizilýde Syn saǵatta erlik kórsetken polıtseıler jaıly ne bilemiz Polıtsııa jumysynyń standarttary men algorıtmderi qaıta qaralyp jatyr - ІІM

Jeke quram qaladan shamamen 30 shaqyrym jerdegi oqý-jattyǵý polıgonynda kúndelikti daıyndyq jumystaryn júrgizedi eken. Aldymen, asa qaýipti qylmyskerlerdi ustaýǵa beıimdelgen Polıtsııa departamentiniń Arnaıy maqsattaǵy bólimshesi alys jáne jaqyn qashyqtyqta nysana kózdedi. Zamanǵa saı jaraqtanǵan sarbazdardyń birin sózge tarttyq. Basshylyqtyń buıryǵyna saı, betperdesin sheshe almaıtynyn jáne aty-jónin ataı almaıtynyn túsindirgen qyzmetker, óz oıymen bólisýden qashqan joq.


«Búgin atystan daıyndyq jumystaryn pysyqtap, jeke jáne top quramynda daıarlyǵymyzdy shyńdadyq. Sonymen birge, kólik quralyn, máselen, avtobýsty lańkester basyp alǵan jaǵdaıda eshbir adam zardap shekpeıtindeı maqsatty kózdep, daǵdymyzdy tekserip kórdik. Ondaı jaǵdaıda qylmyskerdi esh qurbansyz ustaý mindeti qoıylady. Bólimshemizdiń mindeti – departamenttiń, ІІM basshylyǵynyń buıryǵyn buljytpaı oryndaý. Mundaı oqý-jattyǵý jumystaryn kún saıyn júrgizemiz. Sonymen birge, deneni qalypta ustaýǵa, onyń daıarlyǵyna erekshe mańyz beriledi», - deıdi ol.


Sarbazdyń aıtýynsha, qyzmet babynda qarapaıym azamattarǵa qaýip tónetin jaǵdaılar jıi kezdesip jatady. Máselen, byltyr elordada lombardtardyń birine qylmysker tap berip, sondaǵy qyzmetker áıeldiń ómirine qaýip tóndirgen. Alaıda saq sarbazdardyń arqasynda eshkim zardap shekpeı, qylmysker qolǵa túsken.


Oqý-jattyǵý jumysyna kınologtar da keldi. Departamentke qarasty Kınologııalyq qyzmet ortalyǵynan áskerı mamandar «Vektor» men «Kýba» atty eki ıt alyp kelgen. Olarmen jumys isteıtin mamandardyń aıtýynsha, qyzmettik ıtterdiń ózi birneshege bólinedi. «Vektor» men «Kýba» qylmys kezinde kúdiktilerdi ustaıtyn «shabýyldaýshy» ıtter eken.


«Vektor» men «Kýba» qashyp bara jatqan qylmyskerdi qalaı ustaý kerektigin kórsetti. Arnaıy qalyń kıim kıip, qasha jónelgen sarbazǵa birden jetken ıtter kez kelgen kúdiktiniń qutyla almaıtynyn dáleldedi.












Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT