+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Elorda oqýshylarynyń sómkesi normadan 2,5 ese aýyr

2019 jylǵy 10 qyrkúıek 17:07
Bólisińiz:
Elorda oqýshylarynyń sómkesi normadan 2,5 ese aýyr

NUR-SULTAN. QazAqparat – Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Sadýaqas Baıǵabylov aýyr sómkesin kótere almaı qulap qalǵan bastaýysh synyp oqıǵasyna qatysty pikir bildirdi, dep habarlaıdy QazAqparat tilshisi.

«Búgin departament mamandary monıtorıng júrgizý aıasynda Nur-Sultan qalasynda oqýshylardyń sómkesin ólshedi. Sómke salmaǵyn ólsheý nátıjesi mynadaı: 1-3 synyptarda 2-den 4,5 kelige (oqýlyqtar men dápterden bólek qosymsha zattardyń salmaǵy 0,5-ten 2 kelige deıin) deıin, 4-5 synyptarda 2,5-4,15 kelige deıin, 6-7 synyptarda 3,1-5 kelige deıin, 8-11 synyptarda 3,5-5 kelige deıin», - dedi ol.

Onyń dereginshe, normatıvke sáıkes kúndelikti oqý jıyntyǵynyń salmaǵy 1,3 synyp oqýshylaryna 1,5-2 keliden, 4-5 synyptarda 2-2,5 keliden, 6-7 synyptarda 3-3,5 keliden, 8-11 (12) synyptarda 4-4,5 keliden aspaýy tıis.

«Júrgizilgen monıtorıng 1-5 synyp oqýshylary sómkesiniń salmaǵy bekitilgen normatıvten 2,5 esege deıin asyp ketkendigin kórsetti. Oqýshynyń densaýlyǵy ata-analar úshin basymdyq bolýy tıis. Sondyqtan mektep sómkesindegi artyq salmaq qaýipti. Óte aýyr sómkege oraı oqýshynyń densaýlyǵyna shynaıy qaýip bar. Qysqa merzimdi janama áserler mynadaı: arqanyń, moıynnyń ıyqtyń aýrýy, qoldyń uıýy jáne álsizdik. Uzaq merzimdi janama áserler: bas aýrýy, búkirlik pen skolıoz, beldiń aýrýy, bala súıeginiń aýytqýmen damýy», - dedi departament basshysy.

Osyǵan oraı, Sadýaqas Baıǵabylov ata-analarǵa balada aýyr sómkeni arqalaýdan paıda bolatyn aýrýlardy boldyrmaý úshin mynadaı qarapaıym ári asa qajetti sharalarǵa nazar aýdartady:

- Ár kún keshkisin mektepke sómkeni daıyndaǵan kezde qajetsiz kitaptar men dápterlerdi alyp tastap, keregin ǵana salý qajet;

- Syrtqy muqabasy juqa kitaptardy, jeńil papkalar men penaldardy satyp alǵan jón;

- Apta eki ret sómkeni tekserip, synǵan qarandashty, jazbaıtyn qalamsapty, qajetsiz qaǵazdardy alyp tasta kerek;

- Oqýshyǵa múmkindik bolǵan sátte, máselen qoǵamdyq kólikke otyrǵan kezde sómkeni ıyqtan sheshkeni durys;

- Oqýshyǵa mektep sómkesin saýatty jınaýǵa úıretý qajet: eń aýyr kitaptardy astyna, jeńil ádistemelerdi, dápterlerdi jáne basqa da oqýǵa qajetti quraldardy joǵary salǵan jón.

«Degenmen, barlyq sómkeler oqý júktemesine baılanysty. Osyǵan baılanysty departament mamandary tekserý aıasynda sabaqtardyń kestesine jáne gıgıenalyq normalarǵa saı oqý júktemesiniń teńdeı bólinýine zerdeleý júrgizetin bolady. Buzýshylyq anyqtalǵan jaǵdaıda mektep basshylyǵyna qatysty ákimshilik sharalar qoldanylady», - dedi departament basshysy.


Bizdiń kanalymyzǵa jazylyńyz:

Basty sózder: Nur-Sultan, Bilim,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT