+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Elorda mańynda atpen serýendeýge arnalǵan soqpaq jol salyndy

2021 jylǵy 25 qyrkúıek 23:09
Bólisińiz:
Elorda mańynda atpen serýendeýge arnalǵan soqpaq jol salyndy

NUR-SULTAN. QazAqparat – Nur-Sultan mańyndaǵy jasyl beldeý aýmaǵynda at sporty kesheniniń qurylysy aıaqtaldy. QazAqparat bul týraly elorda saıtyna silteme jasap habarlaıdy.

Uqsas jańalyqtar
Nur-Sultanda ulttyq mektep sport lıgasy ótip jatyr Mınıstr Denıs Ten atyndaǵy akademııany ashý týraly: Anasymen aqyldasyp jatyrmyz Elordada Denıs Tenniń qurmetine mánerlep syrǵanaýdan halyqaralyq týrnır ótedi

Endi jurtshylyq shahar mańyndaǵy jasyl beldeýdi atpen aralaı alady.

Orman aýmaǵynda qala ákimdiginiń bastamasymen jalpy uzyndyǵy 13,2 shaqyrym bolatyn atpen júrýge arnalǵan soqpaq jol paıdalanýǵa berildi.

Jasyl beldeýde atpen serýendegisi kelgender arnaıy orynǵa kelip, belgili bir ýaqyt aralyǵyna jylqyny jalǵa alýy kerek. Munda olarǵa atpen serýendeýge arnalǵan qorǵanysh kıimderi berilip, qaýipsizdik erejeleri túsindiriledi.

«Atpen júrýge arnalǵan soqpaqta qala turǵyndary men qonaqtarynyń qaýipsiz demalysy úshin barlyq jaǵdaı qarastyrylǵan. Atap aıtsaq, nysan aýmaǵynda 5 demalys aımaǵy, avtoturaq, modýldik ájethanalar bar. Beınebaqylaý kameralary da ornatylǵan. Soqpaqta atpen serýendeý qyzmeti jyl on eki aı kórsetiledi.


Attardy kútip-baptaý, kelýshilerge qyzmet kórsetý baǵytynda 15 jańa jumys orny ashyldy. Munda kelýshilerge tabıǵat aıasynda taza aýada atpen serýendeýmen birge atqa minýdi úıretý qyzmeti de usynylady. Jaqynda áleýettik joba aıasynda densaýlyǵynda aqaýy bar jandar úshin ıppoterapııa qyzmeti iske qosylmaq», - deıdi Nur-Sultan qalasy ákimdiginiń Qorshaǵan ortany qorǵaý jáne tabıǵatty paıdalaný basqarmasynyń bólim basshysy Qydyr Jıenáli.

Serýendeýge arnalǵan attar aýyl sharýashylyǵy kooperatıvteri biriniń menshigi. Kooperatıv tóraǵasy Murat Qasymov ta týrısterge erekshe qyzmet túrin usyný josparymen bólisti.

«Qazir munda 15 at bar. Olardyń qataryn ıppoterapııaǵa arnalǵan jylqylarmen tolyqtyrýdy josparlap otyrmyz. Sonymen qatar balalarǵa arnap ponılerdi ákelemiz. Attardyń minezi árqıly. Sáıkesinshe kelýshilerdiń arasynda da burynnan atqa minip júrgender nemese endi úırengisi keletinder de tabylyp jatady. Olar arnaıy nusqaýshynyń kómegimen atqa minýdi úırenip shyǵady. Sondaı-aq jaz aılarynda arbaǵa, qysta shanaǵa jegýge arnalǵan attar da bar. Bir sózben aıtqanda, kez kelgen talǵamdaǵy tutýshynyń kóńilinen shyǵýǵa barymyzdy salamyz. Atpen serýendeýden bólek qoǵamdyq tamaqtaný orny, qymyzhana da ashamyz», - deıdi kooperatıv tóraǵasy.


Elordanyń jasyl beldeýi elimizdiń Tuńǵysh Prezıdenti Nursultan Nazarbaevtyń sheshimimen 1997 jyly qalany jelden qorǵaý jáne halyqtyń ómir súrýi úshin qolaıly klımat qalyptastyrý maqsatynda quryldy.

Bir sózben aıtqanda, jasyl beldeý aýmaǵy tabıǵat aıasynda elorda mańynda at ústinde demalys ótkizgisi keletinder úshin taptyrmas oryn bolady.

Aıta keteıik, «Týrıstik marshrýt» dep atalatyn jańa nysan (jasyl beldeý aýmaǵyndaǵy atpen júrýge arnalǵan soqpaq jol) ornalasqan jasyl beldeý – qala qalqany. Onyń aýmaǵynda 12,1 mln-nan astam aǵash pen buta ósedi. Sol sııaqty munda qoıan, túlki, qarsaq, kekilik, qyrǵaýyl jáne t.b. tirshilik etedi.

Qalanyń klımaty tym kontınentti ekenin eskersek, «jasyl beldeý» ekologııany aıtarlyqtaı jaqsartyp qana qoımaı, klımattyq jaǵdaıdy jumsartýǵa múmkindik beredi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT