+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elorda irgesindegi Talapker aýylynda elektrmen jabdyqtaý máselesi sheshimin tabýda

2021 jylǵy 3 maýsym 17:55
Bólisińiz:
Elorda irgesindegi Talapker aýylynda elektrmen jabdyqtaý máselesi sheshimin tabýda

KÓKShETAÝ. QazAqparat - Tselınograd aýdanyndaǵy Talapker aýylynda elektrmen jabdyqtaý máselesi «Nur Otan» partııasynyń aralasýynyń arqasynda óz sheshimin tapty, dep habarlaıdy QazAqparat tilshisi.

Uqsas jańalyqtar
Býrabaıda óńirlerdegi onomastıka problemalaryn sheshý joldary talqylandy Aqmola oblysynda «Memlekettik til – meniń tilim» baıqaýynyń júldegerleri anyqtaldy Qazaqstannan Túrkııaǵa 600 konteıner jasymyq ekportalady

2019 jyly «Nur Otan» partııasynyń Respýblıkalyq qoǵamdyq qabyldaý bólmesine QR Premer-Mınıstri Asqar Mamınniń jeke qabyldaýyna Aqmola oblysy Tselınograd aýdany Talapker aýylynyń turǵyny júginip, kentti elektrmen jabdyqtaý máselesin kóterdi. A.Mamın Tselınograd aýdany Talapker aýylynda bıýdjet qarajaty esebinen salynǵan 49 qosalqy stantsııa men elektr jelilerin qalpyna keltirý boıynsha hattamalyq tapsyrma berdi, onda qosalqy stantsııalardy kezeń-kezeńimen «AREK» AQ-na senimgerlik basqarýyna berýdi júzege asyrý qajettiligi atap ótildi.

Bastapqyda nysandardy 2020 jylǵy 1 maýsymǵa deıin, sodan keıin - 1 jeltoqsanǵa deıin, keıinnen – 31 jeltoqsanǵa deıin paıdalanýǵa berý josparlanǵan bolatyn, kelesi merzim 2021 jylǵy 31 mamyr boldy. «Nur Otan» partııasy Aqmola óńirlik fılıalynyń partııalyq baqylaý komıssııasynyń otyrysynda búgingi tańda 49 qosalqy stantsııanyń tek 12-si «AREK» AQ-na qosylyp, berilgeni atap ótildi. Bes KTP qalpyna keltirildi, 2021 jyldyń 30 tamyzyna deıin 32 qalpyna keltirý josparlanǵan. Onyń ishinde 22 KTP «AREK» AQ-ǵa beriledi.

«AREK» AQ senimgerlik basqarýǵa kezeń-kezeńmen berý boıynsha sharalar qabyldaý bóliginde energııa berýshi uıymdardyń jelilerdi senimgerlik basqarýǵa qabyldaý kezinde olarǵa qyzmet kórsetýge jáne paıdalanýǵa arnalǵan shyǵyndardy eskeretin tarıfin ózgertý normasy zańnamalyq túrde kózdelmegen. Osy másele boıynsha aǵymdaǵy jyldyń aqpan aıynda «Nur Otan» partııasynyń óńirlik fılıaly QR Parlamenti Májilisindegi depýtattyq fraktsııasynyń jetekshisi Nurlan Nyǵmatýlınniń atyna Qazaqstan Respýblıkasynyń zańnamasyna túzetýler engizýge járdem kórsetý týraly hat joldady. Naýryzda QR Ulttyq ekonomıka mınıstrligi men QR Energetıka mınıstrligi bıýdjet qarajaty esebinen salynǵan ıesiz, kommýnaldyq jeliler men elektrmen jabdyqtaý salasyndaǵy nysandardy berý jónindegi Jol kartasyn QR Úkimeti bekitkenine jaýap berdi. Jergilikti atqarýshy organdardyń balansyndaǵy elektrmen jabdyqtaý jelilerin (obektilerin, jabdyqtaryn) tabıǵı monopolııalar sýbektileriniń senimgerlik basqarýyna kezeń-kezeńmen berý kestesin ázirleý boıynsha jumystar júrgizilýde»,- dep túsindirdi «Nur Otan» partııasy Aqmola oblystyq fılıalynyń baspasóz hatshysy Dınara Dúısen.

Vedomstvodan atap ótkendeı, búgingi tańda QR Ulttyq ekonomıka mınıstrligi ázirlenip jatqan «Qazaqstan Respýblıkasynyń keıbir zańnamalyq aktilerine bıznesti júrgizý máseleleri boıynsha ózgerister men tolyqtyrýlar engizý týraly» zań jobasy aıasynda jumys júrgizýde, onda energııa berýshi uıymdardyń tarıfterin senimgerlik basqarýǵa qabyldaý kezinde jelilerge qyzmet kórsetý jáne paıdalaný shyǵyndaryn eskere otyryp ózgertý, sondaı-aq olardy salyq mindettemelerinen bosatý múmkindigi qarastyrylǵan.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT