Elorda irgesindegi aýylda ıesiz vagonnan memleketaralyq izdeýdegi qylmysker tabyldy

NUR-SULTAN. QazAqparat – Nur-Sultan qalasynyń irgesindegi Ilınka kentinde ıesiz qalǵan vagonnan memleketaralyq izdeýdegi qylmysker tabyldy, dep habarlaıdy QazAqparat.

«Ýchaskelik polıtsııa ınspektorlary Ilınka kentinde Dospambet jyraý kóshesindegi ákimshilik ýchaskeni aralaý kezinde ıesiz qalǵan vagonda er adamdy anyqtaǵan. Tekserý barysynda ustalǵan 1977 jyly týǵan adam qarasha aıynan bastap shartty túrde sottalǵan retinde probatsııalyq baqylaýdan jaltarǵany úshin memleketaralyq izdeýde júrgeni anyqtaldy. Bıylǵy 27 qarashadan bastap, sot osy azamatty memleketaralyq izdeýge jarııalaǵan bolatyn», - dedi Nur-Sultan qalasynyń Polıtsııa departamentinen.

Málim etilgendeı, izdeý salýǵa Qostanaı qalasynyń Soltústik polıtsııa bólimi bastamashylyq etken.

«Ustalǵan er adam qamaýǵa alyndy jáne PD Ýaqytsha ustaý ızolıatoryna ornalastyryldy», - delingen aqparatta.

Aıta keteıik, 7 qyrkúıekten bastap, Nur-Sultan qalasynyń aýmaǵynda «Ýchaske» jedel-aldyn alý sharasy ótkizildi. Onyń barysynda ýchaskelik polıtsııa ınspektorlary kópqabatty úılerdegi 280 myńǵa jýyq páterdi, 85 myńnan astam jeke jáne saıajaı úılerin aralady.