Elorda áýejaıynda VOLGA DNEPR AIRLINES kompanııasynyń ushaǵy toqtatyldy
2022 jylǵy 29 maýsym 12:25

Elorda áýejaıynda VOLGA DNEPR AIRLINES kompanııasynyń ushaǵy toqtatyldy

NUR-SULTAN. QazAqparat - Memlekettik kirister komıteti «VOLGA DNEPR AIRLINES» kompanııasy áýe kemesiniń ne sebepti toqtatylǵanyn túsindirdi, dep habarlaıdy QazAqparat.

«26.06.2022 kúni jergilikti ýaqytpen saǵat 13:40-ta elordanyń «Nursultan Nazarbaev» Halyqaralyq áýejaıynda «VOLGA DNEPR AIRLINES» áýe kompanııasynyń Úrimshi (QHR) – Nur-Sultan – Máskeý baǵytyndaǵy kommertsııalyq reısiniń RA-82074 nómirli áýe kemesi toqtaǵan. Ol týraly áýejaı qyzmeti «Áýejaı Astana» keden beketiniń qyzmetkerlerine tez arada habarlaǵan. Degenmen, áýe kemesiniń ekıpajy jáne onyń ókili belgilengen ýaqyt ishinde kedendik rásimdeýge qajetti kedendik qujattar men málimetterdi usynbaǵan. Sondyqtan, áýe kompanııasyna qatysty QR «Ákimshilik quqyq buzýshylyq týraly» Kodeksiniń 538-babymen ákimshiliktik óndiris qozǵaldy. Bul buzýshylyq úshin jıyrma aılyq esep kórsetkish kóleminde aıyppul qaralǵan» delingen habarlamada.

Qazaqstan Respýblıkasynyń kedendik zańnamasyna sáıkes, tasymaldaýshy nemese ózge de belgilengen tulǵalar kelýi týraly habardar etken kezden bastap úsh saǵat ishinde kólik quralyna kedendik deklaratsııany tapsyrýǵa mindetti.

Áýe kompanııasynyń ókilderi buzýshylyqpen kelisip, kinálilerdi ákimshilik jaýapkershilikke tartý boıynsha jumys júrgizilýde.

Kináliler ákimshilik jaýapkershilikke tartylyp, kólik quralyna kedendik deklaratsııany tapsyrýǵa qatysty barlyq kedendik operatsııalar oryndalǵan soń áýe kemesi birden jiberiledi.

Memlekettik kirister komıtetinde atalǵan zań buzýshylyq kedendik ákimshilendirý salasyndaǵy kádimgi ákimshilik quqyq buzýshylyq ekenin eskertip, saıası astarynyń joq ekenin habarlady.


Foto: airliners.net

Uqsas jańalyqtar
Seriktester jańalyqtary

Jańalyqtar

Úrdis

MURAǴAT