+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Elorda ákimi óńirlerge aýyl sharýashylyǵy jármeńkesine qatysqany úshin alǵys bildirdi

2019 jylǵy 19 qazan 12:44
Bólisińiz:
Elorda ákimi óńirlerge aýyl sharýashylyǵy jármeńkesine qatysqany úshin alǵys bildirdi

NUR-SULTAN. QazAqparat - Elorda ákimi óńirlerge aýyl sharýashylyǵy jármeńkesine qatysqany úshin alǵys bildirdi, dep habarlaıdy QazAqparat.

Nur-Sultan qalasyndaǵy aýyl sharýashylyǵy jármeńkesine Soltústik Qazaqstan jáne Aqmola oblystarynyń ákimderi keldi.

Jalpy alǵanda óńirler elordaǵa 1 200 tonnadan astam ónim ákeldi. Oblys ákimi Qumar Aqsaqalovtyń aıtýynsha, SQO ónimderi taza ári tabıǵı. Taýar baǵasy 20%-ǵa tómen. Aýa raıynyń qolaısyzdyǵyna qaramastan, Soltústik Qazaqstan oblysy jaqsy ónim jınap, elimizdiń kóptegen oblystaryna ónim eksporttaýda.

Al, Aqmola oblysynyń ákimi Ermek Marjyqpaevtyń atap ótýinshe, jármeńkede ettiń árbir 3-shi kelisi, súttiń 3-shi lıtri, jumyrtqanyń 90%, qus etiniń 60% elordaǵa oblys jetkizýde.

Nur-Sultan qalasy ákimi Altaı Kólginovtiń aıtýynsha, elordalyq aýyl sharýashylyǵy jármeńkesine elimizdiń 14 óńiri qatysty.

«Biz birinshi jármeńkelerdi elorda kúnin ótkize bastadyq. Sodan keıin turaqty negizde ár senbi men jeksenbi ótkizdik. Bizdiń áriptesterimizge, basshylarǵa, oblys ákimderine jáne barlyq aýyl sharýashylyǵy taýarlaryn óndirýshilerge alǵysymdy bildiremin. Búgin jármeńke aıaqtalýda. Aldaǵy ýaqytta osyndaı jármeńkeler merekelerde ótkiziledi. 1 jeltoqsan, 16 jeltoqsan jáne jańa jyldyq merekeler ýaqytynda ótkiziletin bolady. Eń bastysy - turǵyndardy qoljetimdi baǵamen azyq-túlikpen qamtý», - dedi A. Kólginov.

Qalada 30 jármeńke ótkizilip, 7 myń tonnadan astam ónimder satyldy. Onyń 700 tonnadan astamy et, 300 tonnasy sút ónimderi, 2,5 myń tonnasy kókónis jáne t.b. Ónimder bazar baǵasynan 10-20% tómen saýdalanǵan.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT