+7 (701) 759 90 19
USD 387.14 EUR 428.18
RUB 6.06 CNY 55.23
Jańalyqtar

Elorda ákimdigi men úkimettik emes uıymdar qoǵamdyq keńistikti birge damytady

2019 jylǵy 23 qazan 11:55
Bólisińiz:
Elorda ákimdigi men úkimettik emes uıymdar qoǵamdyq keńistikti birge damytady

NUR-SULTAN. QazAqparat - Elorda ákimdigi men úkimettik emes uıymdar PIK pen qoǵamdyq keńistikti birlese damytatyn boldy, dep habarlaıdy QazAqparat qala ákiminiń baspasóz qyzmetine silteme jasap.

Uqsas jańalyqtar
Múgedektigi bar azamattar qalaı jeńildikpen páter ala alady Qostanaıda múmkindigi shekteýli jandardyń qyzmet alý tártibi jeńildeıdi Elordada múmkindigi shekteýli balalarǵa arnalǵan ońaltý ortalyǵy salynady

Elordada qıyn jaǵdaıǵa tap bolǵan adamdar men erekshe qajettiligi bar adamdarǵa qandaı kómek kórsetilip jatqanyn, áleýmettik kásipkerlik pen volonterliktiń damýy jóninde úkimettik emes uıym ókilderi aıtyp berdi. Elorda ákimi Altaı Kólginov kezdesýge qatysqan barlyq úkimettik emes uıymdardyń ókilderiniń usynystaryn tyńdady. Kezdesý «Januıa» otbasy ınstıtýtyn qoldaý ortalyǵynda ótti.

«Qorǵaý Astana» jeke qorynyń basshysy Anna Ryl úıinde zorlyq-zombylyqty bastan keshken jáne ómirlik qıyn jaǵdaıǵa tap bolǵan adamdarǵa kómek qajet ekenin atap ótti.

«Biz turǵyndar tap bolǵan árbir oqıǵaǵa jaýapkershilikpen qarap, sońyna deıin jumys isteıtin keıs retinde qabyldaımyz . Ortalyqta adamdar 6 aıǵa deıin tura alady. Kelýshilermen psıhologtar jumys isteıdi», - deıdi ol.

«Dos» múgedekter qoǵamdyq birlestiginiń ókili Ardaq Otarbaev jol-kólik oqıǵasynan keıin múgedekter arbasyna tańylǵan. Alaıda bı jarystarynda óner kórsetip, qoǵamda belsendilik tanytyp júrgen jandardyń biri. Qala ákimi Altaı Kólginov barlyq múgedek jandardyń júrip-turýyna kedergilerdi alyp tastaý qajettigin aıtyp, « qala ómir súrý úshin qolaıly bolýy tıis» dep atap ótti.

Halyqtyń áleýmettik álsiz toptary men erekshe qajettilikteri bar adamdardy jumysqa ornalastyrý sharalary týraly GreenTAL jetekshisi Emın Askerov aıtyp berdi. Sondaı-aq, keńeste «28 petel» klýbynyń jumysy talqylandy. Atalmysh klýb shala týǵan balalarǵa kıim-keshek tigýmen aınalysady.

Elorda ákimi Altaı Kólginov qatysýshylarǵa alǵysyn aıtyp, birlese jumys isteýge shaqyrdy. Óz usynystaryn da aıtyp ótti.

« Men osyndaǵy ár adamnan naqty usynystar men jobalardy estigenime óte qýanyshtymyn. Biz birge jumys istep, kóptegen ıgi isterdi birlese atqara alamyz. Bıyl belsendi ÚEU sany ótken jylmen salystyrǵanda 2 ese artyp, 273-ten 471-ge jetti. Qoǵam úshin paıdaly jobalardy ilgeriletetin ÚEU bar ekeni qýantady. Prezıdent 2020 jyldy eriktiler jyly dep jarııalady. PIK jumystaryn jaqsartý úshin birlesip jumys isteýdi usynamyn. Óıtkeni PIK - jergilikti ózin-ózi basqarýdy uıymdastyrý uıymy. Mańyzdy nátıjelerge qol jetkize alamyz. Sondaı-aq qalalyq qoǵamdyq keńistikti birge damyta alamyz», - dedi qala ákimi A. Kólginov.




Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT