+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Elorda ákimdigi qalada dezınfektsııa jumystary qalaı júrip jatqanyn aıtty

2020 jylǵy 1 sáýir 16:42
Bólisińiz:
Elorda ákimdigi qalada dezınfektsııa jumystary qalaı júrip jatqanyn aıtty

NUR-SULTAN. QazAqparat - Elordada dezınfektsııa jumystaryna 50-den astam tehnıka, onyń ishinde 20 áskerı tehnıka, 200 rotorlyq jáne sorǵy shashyratqysh jumyldyryldy. Bul týraly ortalyq kommýnıkatsııalar qyzmetindegi brıfıngte Nur-Sultan qalasy ákiminiń orynbasary Altynbek Qaısaǵalıev aıtty, dep habarlaıdy QazAqparat tilshisi.

«Ózderińiz biletindeı, qazirgi tańda qalada koronavırýs ınfektsııasyna qarsy belsendi jumys júrgizilip jatyr. Osyǵan baılanysty Nur-Sultan qalasy halqynyń densaýlyǵyn saqtaý jáne qaýipsizdigin qamtamasyz etý maqsatynda osy jyldyń 20 naýryzynan bastap qalanyń barlyq nysandarynda, adam kóp shoǵyrlanatyn jerlerde, sonymen qatar, turǵyn úı keshenderi men turǵyn alaptarynda aýqymdy dezınfektsııa jumysy júrgizilýde», - dedi ol.

Onyń atap ótýinshe, zalalsyzdandyrý jumystary QR Qorǵanys mınıstrligi radıohımııalyq jáne bakterıologııalyq áskeriniń, qala ákimdigi men dezınfektsııalyq jumystar jasaıtyn uıymdardyń kúshimen kúndelikti júrgizilýde. Dezınfektsııalyq sharalardy júrgizýge 50-den astam tehnıka, onyń ishinde 20 birlik áskerı tehnıka, 200 birlik rotorlyq jáne sorǵy shashyratqyshtary jumyldyryldy. Dezınfektsııa jumystaryna kúndelikti 470 dezınfektor-adam, sonyń ishinde QR Qorǵanys mınıstrliginen – 231 adam, dezınfektsııalyq jumystar jasaıtyn uıymdardan 239 adam qatysýda. Kúndelikti áskerıler kúshimen 10 baǵyt boıynsha dezınfektsııalyq óńdeý jumystary júrgizilýde.

«Qalanyń barlyq saýda oryndaryna irgeles jatqan aýmaqtaryna, medıtsınalyq uıymdaryna, saýda ortalyqtaryna, shaǵyn saýda marketterine, barlyq ótkizý beketterine, meshitterge, aýdanaralyq aýmaqtarǵa, úı kireberisteri men lıftilerge kúndelikti negizde BKS 5, dezosterıl forte dezınfektsııalaýshy eritindilerimen óńdeý júrgiziledi. Paıdalanylatyn dezınfektsııalaýshy quraldardyń mıkrobtarǵa, vırýstarǵa qarsy áser etetin kúshi bar jáne emdeý-profılaktıkalyq mekemelerdi, kommýnaldyq qyzmet nysandaryn, taǵam óndirisi men qoǵamdyq tamaqtaný oryndaryn, sonymen qatar, saýda oryndaryn óńdeýge arnalǵan jáne janýarlar men adamdarǵa qaýipsiz»,- dedi ákim orynbasary.

Altynbek Qaısaǵalıevtiń sózine qaraǵanda, bul jumystarǵa dezınfektsııalyq quraldar satyp alyndy, búgingi kúni olardyń qory jetkilikti. 165 tonna dezqural - natrıı gıpohlorıt satyp alyndy. Sonymen qatar, Dezosterıl Forte men Dezosterıl chas+ dezquraldary 270 lıtr kóleminde satyp alyndy. Olardy aralastyrý kezinde 200 tonnadan astam daıyn dezınfektsııalyq eritindi alynady.

«Zararsyzdandyrý jumystary aıasynda Nur-Sultan qalasy boıynsha 1529 úı, onyń ishinde 6375 kireberis jáne 1500 balalar men sport alańdarynda atalǵan jumystar atqaryldy. Bul óz kezeginde jalpy túrǵyn úılerdiń 80 paıyzdan astamyn quraıdy. Sonymen qatar, Qaraótkel, Komsomolskıı, Shubar, Zarechnyı, Depgorodok jáne Ońtústik-shyǵystyń oń jaq betindegi jeke menshik úılerdiń aýmaǵy arnaıy dezınfektsııalyq mashınalarymen óńdeldi. Bul jumystar kestege saı aryqaraı jalǵasady. Paıdalanylǵan qorǵaý quraldaryn jınaý jáne joıý úshin arnaıy ekobokstar ornatyldy», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT