Jańalyqtar  >
Elorda ákimdigi Botanıkalyq baqtaǵy toǵannyń taıazdaný sebebin túsindirdi
2022 jylǵy 15 tamyz 16:14

Elorda ákimdigi Botanıkalyq baqtaǵy toǵannyń taıazdaný sebebin túsindirdi

NUR-SULTAN. QazAqparat - Elorda turǵyndary botanıkalyq baqtaǵy jasandy sý qoımasy deńgeıiniń tómendegenin baıqady. Osyǵan oraı qala ákimdigi atalǵan jaıtqa qatysty túsinik berdi, dep habarlaıdy QazAqparat tilshisi.

«Kún saıyn túngi ýaqytta botanıkalyq baqtaǵy sý qoımasynan jasyl jelekterdi sýarý úshin sý alynady. Tańerteń sý deńgeıi qalypty jaǵdaıǵa keledi. Toǵandaǵy sý kólemi azaımaıdy», - dep túsindirdi ákimdikten redaktsııa saýalyna oraı.

Ákimdik sondaı-aq kommýnaldyq qyzmetter sý aıdyny men oǵan irgeles aýmaqty sanıtarlyq tazalaý boıynsha turaqty negizde jumystar júrgizip otyrǵanyna sendirdi.

Astana botanıkalyq baǵy - bul ósimdikter dúnıesin, onyń ishinde sırek kezdesetin jáne quryp ketý qaýpi tóngen túrlerdi qorǵaý, ósimin molaıtý jáne paıdalaný jónindegi zertteýler men ǵylymı ázirlemeler júrgizýge arnalǵan tabıǵat qorǵaý jáne ǵylymı uıym mártebesi bar erekshe qorǵalatyn tabıǵı aýmaq.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT