+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Elimizdiń qaı óńirlerinde muǵalimder jetispeıdi

2021 jylǵy 27 qyrkúıek 21:56
Bólisińiz:
Elimizdiń qaı óńirlerinde muǵalimder jetispeıdi

NUR-SULTAN. QazAqparat – Elimizde mektep ustazdary jetispeıtin óńirler ataldy, dep habarlaıdy QazAqparat tilshisi.

«Pedagog defıtsıtine kelsek, bıyl qyrkúıektegi jaǵdaı boıynsha elimizde 3 myńnan astam jumys orny bos tur. Búginde Qazaqstanda 350 myńdaı muǵalim baryn eskersek, salystyrmaly túrde 3 myńdy asa úlken tapshylyq dep oılamaımyn. Muǵalimderdiń jetispeýshiligi kóbinese aýyldyq jerlerdegi shaǵyn mektepterde baıqalady. Shaǵyn mektepterdegi pedagog tapshylyǵy ondaǵy júktemeniń azdyǵynan týyndap otyr. Muǵalim tapshy 3 aımaqty aıtar bolsam, aldymen Atyraý oblysy, ekinshi kezekte Almaty oblysy jáne úshinshi orynda Túrkistan oblysy», - dedi QR Bilim jáne ǵylym mınıstrli Ashat Aımaǵambetov Úkimet úıinde onlaın ótken baspasóz máslıhatynda.

Mınıstrdiń málimdeýinshe, joǵaryda atalǵan ár óńirde 600-ge deıin bos jumys orny bar.

«Kez kelgen máseleniń eki jaǵy bar. Memleket basshysy tapsyrǵan 1000 mektep salýǵa kelsek, jańa mektep salǵan soń, oǵan qajetti mamandardy da daıarlaý kerek. Bul oraıda pedagogıka mamandyqtaryna bólinetin grant sany jyl sanap artyp keledi. Sondaı-aq, muǵalimderdi daıarlaýda oqý baǵdarlamasyna ózgerister engizildi. Jalpy aıtqanda, búginde elimizde pedagog tapshylyǵyn sheshýge arnalǵan keshendi júıe bar», - deıdi ol.

Buǵan deıin Ashat Aımaǵambetov «mektepte keıbir qajetsiz pánderdi oqytpaý kerek» degen pikirge qatysty óz oıyn bildirdi.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT