+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Elimizdiń halyqaralyq rezervteri 90 mlrd dollarǵa jetti – Qasym-Jomart Toqaev

2020 jylǵy 16 naýryz 14:41
Bólisińiz:
Elimizdiń halyqaralyq rezervteri 90 mlrd dollarǵa jetti – Qasym-Jomart Toqaev

NUR-SULTAN. QazAqparat – QR Prezıdenti Qasym-Jomart Toqaev koronavırýs pandemııasynyń el ekonomıkasyna áseri týraly pikir bildirdi, dep habarlaıdy QazAqparat.

«Koronavırýstyń álemdik ekonomıkaǵa qalaı keri yqpal etkenin kórdik. Іs júzinde búkilálemdik ekonomıkalyq júıeni qaıta jańǵyrtý máselesi qoıylyp otyr. Qazaqstan da osy aýqymdy daǵdarystyń saldaryn sezinýde», - dedi Memleket basshysy telearnalar arqyly joldaǵan úndeýinde.

Onyń aıtýynsha, ekonomıkalyq kataklızmderge qaramastan, áleýmettik shıelenis pen jumyssyzdyqtyń artýyna jol bermes úshin barlyq sharalar qoldanylady.

«Elbasy Nursultan Nazarbaevtyń sarabdal saıasatynyń arqasynda elimizdiń halyqaralyq rezervteri shamamen 90 mlrd dollarǵa jetti. Bul – ekonomıkamyzdyń turaqtylyǵyn saqtaýdyń jáne memlekettiń áleýmettik mindettemelerin oryndaýdyń mańyzdy kepili. Biz bıýdjettik shyǵyndardy maksımaldy tıimdi bolatyn baǵyttarǵa qaıta buramyz. Otandyq kásipkerlerdi qoldaýǵa jáne jańa jumys oryndaryn qurýǵa kem degende 300 mlrd teńge bólinedi», - dedi Q. Toqaev.

Esterińizge sala ketsek, QR Prezıdentiniń Jarlyǵymen Dúnıejúzilik densaýlyq saqtaý uıymynyń jańa COVID-19 koronavırýsyn pandemııa dep jarııalaýyna baılanysty azamattardyń ómiri men densaýlyǵyn qorǵaý maqsatynda Qazaqstan Respýblıkasynyń barlyq aýmaǵynda 2020 jylǵy 16 naýryz 08 saǵat 00 mınýt pen 2020 jylǵy 15 sáýir 07 saǵat 00 mınýt aralyǵynda tótenshe jaǵdaı engizildi.

Sondaı-aq Qazaqstan azamattaryna 15 sáýirge deıin el aýmaǵynan shyǵýǵa tyıym salyndy.

Qazaqstan Prezıdenti otandyq kásipkerlerdi qoldaýǵa jáne jańa jumys oryndaryn qurýǵa eń kemi 300 mlrd teńge bólinetinin jetkizdi .

Sondaı-aq, Prezıdent koronavırýs pandemııasyna qatysty tótenshe jaǵdaı boıynsha Jarlyq qabyldady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT