+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Elimizdiń eki óńirinde 15 adam qoldan jasalǵan alkogolden ýlanyp, qaıtys boldy

2020 jylǵy 4 shilde 19:51
Bólisińiz:
Elimizdiń eki óńirinde 15 adam qoldan jasalǵan alkogolden ýlanyp, qaıtys boldy

NUR-SULTAN. QazAqparat - Elimizde 15 adam qoldan jasalǵan alkogolden ýlanyp, qaıtys boldy. Bul týraly QR Іshki ister mınıstrliginiń baspasóz qyzmetinen málim etti, dep habarlaıdy QazAqparat tilshisi.

«Qazaqstannyń eki óńirinde polıtsııa adam ólimi faktileri boıynsha sotqa deıingi tergeýdi bastady. Qostanaı oblysynyń Arqalyq qalasynda 3-4 shilde kúnderi «etanoldyń ýytty áseri» dıagnozymen 13 adam jansaqtaý bólimine jetkizilip, keıin onyń 11-i qaıtys bolǵan. Osy ýaqytta Aqmola oblysy Jaqsy aýdanynyń Jańa-Qıma kentinde 4 adam kóz jumǵan. Ólimniń boljamdy sebebi - jalpy ýyttaný saldarynan paıda bolǵan gemorragııalyq pankreatıt» dep atap ótedi vedomstodan.

Mınıstrlik málimetinshe, qaza bolǵandar 5 lıtrlik plastıkalyq bótelkege quıylǵan alkogol óniminen ýlanǵan. Tergeý barasynda 4 shilde kúni Aqmola oblysynda quımaly spırttik ishimdik shyǵaratyn tseh anyqtaldy. Polıtsııa qyzmetkerleri úsh kúdiktini anyqtap, ustady. Olardan satýǵa daıyndalǵan ónimniń bir bóligi tárkilendi. Alaıda kúdiktiler ónimniń basym bóligin satyp úlgergen. Bul adam ómiri men densaýlyǵyna eleýli qaýip tóndiredi.

«Osyǵan baılanysty Іshki ister mınıstrligi azamattardy plastıkalyq ydysqa quıylǵan, zattańbasy joq, belgisiz alkogol ónimderin satyp almaýǵa jáne saq bolýǵa shaqyrady. Qaýipti ónim jasyryn nemese bazarlarda satylýy múmkin. Olardy satý oryndary týraly bilgen jaǵdaıda jaqyn jerdegi aýmaqtyq polıtsııa bólimshesine nemese 102 jáne 112 telefondaryna dereý habarlaýyńyzdy suraımyz» deıdi QR ІІM baspasóz qyzmetinen.

Eske sala keteıik, biz buǵan deıin Arqalyq qalasynda 11 adamnyń etanoldan ýlanyp kóz jumǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT