+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

Elimizdiń eki qalasy karantınge jabylady

2020 jylǵy 7 qarasha 09:50
Bólisińiz:
Elimizdiń eki qalasy karantınge jabylady

NUR-SULTAN. QazAqparat - Elimizdiń aımaqtarynda karantın talaptary kúsheıip keledi. Oǵan koronavırýs ınfektsııasyn juqtyrǵan azamattar sanynyń eselenip artýy sebep. Qaýipti indettiń ekinshi tolqyny taraıtynyn aq halattylar ala jazdaı aıtyp, jurtty meılinshe saqtyq sharalaryn ustanýǵa shaqyrǵanmen qulaq aspaǵandar kóp-aq. Tyǵylyp toı jasaǵandar men toptalyp jıyn-keshter ótkizgen jurtqa qansha aıyppul arqalatqanmen sabaq bolmady. Bul da indetti esigimizden engizip alýymyzǵa jol ashty. Medıtsına maskasyn ıekke qaraı ıtere salyp, ózgeni emes, ózin aldap júrgender qanshama. Hosh, osy aptada epıdemıologııalyq ahýal kúrdelenip, karantın talaptary kúsheıgen óńirlerge toqtalaıyq, sholyp kóreıik.

Uqsas jańalyqtar
Qaraǵandy oblysynda 9 myńǵa jýyq medıtsına mamanyna vaktsına salynady Qazaqstan koronavırýsqa qarsy Qytaı vaktsınasyn satyp ala ma: Mınıstrlik jaýaby QR SІM Nıderlandyǵa ushatyn Qazaqstan azamattaryna aqparat taratty

Petropavl karantınge jabylady

Soltústik Qazaqstan oblysynda epıdemıologııalyq jaǵdaı kúrdeli. Petropavldaǵy ınfektsııalyq statsıonarlarda 276 naýqas emdelip jatyr. 16 naýqas jansaqtaý bóliminde jatyr. Óńirdiń bas sanıtar dárigeriniń qaýlysyna sáıkes karantın talaptary kúsheıtilip, Petropavl qalasy men Qyzyljar aýdany 9 qarashada karantınge jabylatyn boldy. Qalaǵa kedergisiz kirip-shyǵatyn kásiporyndardyń tizimi jasalyp jatyr. Azyq-túlik pen medıtsınalyq preparattardy tasymaldaıtyndar erkin júrý úshin jasyl dáliz uıymdastyrylady. Olar PTR test anyqtamasynsyz bóget beketterden óte alady. Іri saýda oryndarynyń jumys ýaqyty da qysqarady. Demalys kúnderi qoǵamdyq kólik toqtap, birqatar nysandar jabylady.

Qostanaı qalasy eki aptaǵa jabylady

Epıdemıologııalyq ahýaldyń kúrdelenýine baılanysty Qostanaı qalasy eki aptalyq karantınge jabylatyn boldy. Bul óńirdegi jedel shtab otyrysynyń qabyldaǵan sheshimi. Qazir qaýly ázirlenip jatyr. Aldaǵy dúısenbiden bastap oblys ortalyǵy ár jerden blok-bekettermen qorshalady. Іndet juqtyrýshylardyń kún saıynǵy ósimi 10-nan asqan eldi mekenderde de sanıtarlyq beketter qoıylady. Budan bylaı qolynda PTR anyqtamasy joq azamattar oblys aýmaǵyna kire almaıdy. Keshki saǵat 9-dan tańǵy 6-ǵa deıin turǵyndardyń júrip turýyna shekteý qoıyldy. Sonymen birge taksı men avtobýstardyń qatynaý ýaqyty qysqarady. Buǵan deıin jumys istep kelgen sulýlyq salondar, shashtarazdardyń qyzmeti jeksenbi kúni toqtatylady.

Shyǵys «qyzyl aımaqqa» endi

Shyǵys Qazaqstan oblysy koronavırýs ınfektsııasyn juqtyrý deregi boıynsha áli de alda tur. Aımaqta áýe jáne temirjol reısteri qysqartylyp, sanıtarlyq beketter qoıylsa da, jaǵdaı kúrdeli kúıinde qalyp keledi. Qazir óńir «qyzyl aımaqqa» enip otyr. Sońǵy táýlikte elimizde 591 adamnan qaýipti dert anyqtalsa, sonyń 250-i Shyǵys Qazaqstan oblysynda. Vırýs juqtyrǵan 91 adam Óskemen qalasynda, 42 adam Semeı qalasynda tirkelgen. Shalǵaıdaǵy qalalar men eldi mekender arasynda Rıdder qalasy men Glýbokoe aýdany kósh bastap tur. Bir táýlikte 30-dan astam adam ınfektsııa juqtyrypty. Búgingi tańda aımaqta 689 adam statsıonarda emdelip jatyr.

Almaty oblysynda karantın sharalary kúsheıtildi

Aımaqtyń Shyǵys Qazaqstan oblysymen shektesetin jerine sanıtarlyq beket qoıyldy. Qoǵamdyq tamaqtaný oryndaryna baratyn adam sany shekteldi. Kompıýterlik klýbtar, jabyq keshendegi attraktsıondar, bılıard, boýlıng ortalyqtary sekildi kóńil kóterý oryndary jabylady. Mádenı-sporttyq, januıalyq is-sharalardy ótkizýge tyıym salynady. Qoǵamdyq kólikter tańǵy 06:00 men 10:00 jáne keshki 17:00 men 20:00 aralyǵynda júredi. Aımaq turǵyndarynyń kópshilik oryndarda maska taǵyp júrýi men úsh adamnan artyq jınalmaýlaryna qatysty talap kúsheıtildi. 65 jastan asqan azamattardyń kóshege shyǵýyna shekteý qoıylady.

Pavlodarda blokbeketter qoıylýy múmkin

Pavlodar oblysynda jańadan 70-ke jýyq adam koronavırýs ınfektsııasyn juqtyrǵany anyqtaldy. Sondyqtan karantındik sharalar týraly qaýlyǵa ózgerister engizilgen. Qala mańyndaǵy jolaýshylar tasymalynan basqa qalaaralyq jáne aýdanaralyq avtobýstar toqtatylady. Teatr, mýzeı, kitaphanalardyń, dinı nysandardyń qyzmetine ýaqytsha tyıym salynady. Karantın kezinde barlyq jınalystar men otyrystar onlaın rejımge aýystyrylady. Oblys ortalyǵynda senbi, jeksenbi kúnderi qoǵamdyq kólikter qatynamaıdy. Іri saýda úıleri, oıyn-saýyq ortalyqtary, jalpy aýmaǵy 800 sharshy metrdi quraıtyn ónerkásiptik saýda oryndarynyń jumys ýaqyty qysqarady. Karantındik shekteýler aldaǵy dúısenbiden bastap kúshine enedi. Jaǵdaı ýshyqsa, blokbeketter qoıylýy múmkin. Barlyq karantındik shekteýler qarashanyń 9-ynan bastap kúshine enedi.

Іndetke shaldyqqandardyń bári zeınetker

Batys Qazaqstan oblysynda da bir kúnde 49 adamnyń koronavırýs ınfektsııasyn juqtyrǵany anyqtaldy. Ásirese aýyr jaǵdaıdaǵy naýqastar sany artqan. Qazirgi tańda 10 adam jansaqtaý bóliminde jatyr. Qaýipti indetke shaldyqqandardyń barlyǵy zeınet jasyndaǵy adamdar. Óńirde birqatar shekteý engizilgen. Demalys kúnderi oblysta saýda úıleri men bazarlar jumys istemeıdi. Oral qalasynyń sanıtarlyq bas dárigeriniń qaýlysymen 65 jastan asqan azamattarǵa sebepsiz syrtqa shyǵýǵa tyıym salynǵan bolatyn. Endi búginnen bastap saǵat 23:00-den tańǵy 06:00-ge deıin jeke kólikpen júrý de toqtatylatyn boldy.

«Toı jasamańdar, toıǵa barmańdar, eldegi epıdemıologııalyq ahýal túzelgenshe shydańdar» degen úndeý men shekteýge pysqyrmaıtyndar aıyppuldan da qaımyqpaıtyn sııaqty. Ózgeniń ómirine qaýip tóndirýi múmkin ekenin túısinbeýdiń sońy ókinishke aparady. Aǵaıynnyń kóńilin qaldyrmaımyn dep osyndaı toıǵa baryp vırýs juqtyrǵan talaı adam ómir men ólim arasynda arpalysyp jatqanyn túsinbeıtin jurtqa ne daýa? Kúni keshe ǵana shekteýlerge qaramastan Qyzylorda oblysynda úılený toıyn jasaǵan 19 derek anyqtaldy. 17 otbasy toıdy óz aýlasynda, al ekeýi meıramhanada ótkizgen. Toı jasaǵan jeke tulǵalar 800 myń teńgege jýyq aıyppul tóleıdi.

Budan bólek, kásipkerlik nysandar da sanıtarlyq talaptardy saqtamaǵan bolyp shyqty. Bıyl 5 shildeden beri Qyzylorda oblysynda arnaıy toptar 3 myńnan astam kásipkerlik nysanǵa tekserý júrgizgen. 804 karantın talaptaryn buzý deregi tirkelip, olarǵa 40 mıllıon teńgege jýyq aıyppul salynǵan. Saýda ortalyqtary, dámhanalar, kafeler qatań sanıtarlyq erejege salaqtyq tanytqan. Barlyǵy ákimshilik jaýapkershilikke tartylǵan.

Álemdegi qýatty memleketter dármensizdik tanytyp otyrǵan myna qaýipti vırýs jáne onyń saldary jeńil bolmaıtyny anyq. Qazaqstan sııaqty damýshy elderdiń bıznesi baıaýlaıdy, tabysy tómendeıdi, ekonomıkasy eseńgireıdi. Al, adam shyǵyny orny tolmas ókinish. Sondyqtan, saqtanaıyq aǵaıyn. Jaqynyńyzǵa janashyr bolyńyz, óz ómirińizdi oılańyz.



Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT