+7 (701) 759 90 19
USD 386.44 EUR 428.37
RUB 6.06 CNY 54.93
Jańalyqtar

Elimizdiń birneshe óńirinde para alǵan polıtseıler sottaldy

2019 jylǵy 23 qazan 11:09
Bólisińiz:
Elimizdiń birneshe óńirinde para alǵan polıtseıler sottaldy

NUR-SULTAN. QazAqparat - Elimizdiń birqatar óńirinde jemqorlyq qylmysyn jasaǵan ishki ister organdarynyń qyzmetkerlerine qatysty sot úkimi shyqty, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

Uqsas jańalyqtar
Jambyl oblysynda óner mektebiniń dırektory para alǵany úshin 3 jylǵa sottaldy Almatydaǵy Medeý aýdandyq sotynyń sýdıasy para alǵany úshin sottaldy Aýyr júk kóligi ıelerinen para alyp kelgen ınspektorlar sotqa tartyldy

Sonymen bıylǵy 17 qazanda Nur-Sultan qalasynyń Almaty aýdanynyń № 2 aýdandyq sotynyń úkimimen qalalyq PD jol-patrýl qyzmetiniń ınspektory, polıtsııa kapıtany K.N. Doshanov 4 jylǵa bas bostandyǵynan aıyryldy. Ol JShS ókilin aldap, aqshasyn ıelený arqyly buryn kelisilgen 4 myń dollardyń 390 myń teńgesin ıemdengen. Sol sekildi buryn ustalǵan Ózbekstan Respýblıkasynyń 19 azamatyn bosatqany úshin kóshi-qon qyzmetiniń laýazymdy tulǵalaryna aqsha berdi degen kúdikke ilingen bolatyn.

21 qazanda osy sottyń úkimimen qalalyq PD arnaıy batalonynyń ınspektory, polıtsııa leıtenanty D.S.Salkımbaev sottaldy. Ol áldebir azamattan ákimshilik jaýapkershilikke tartpaý úshin 100 myń teńge kóleminde para alǵan. Oǵan paranyń 30 ese mólsherinde aıyppul salyndy.

Osy kúni Býrabaı aýdandyq soty osyndaı qylmys jasaǵany úshin (qylmystyq jaýapkershilikke tartylmaǵany úshin 70 myń teńge para alǵan) Aqmola oblysy PD aýdandyq polıtsııa bólimi jedel-krımınalıstıka bólimshesiniń jedel ýákili, polıtsııa kapıtany A.B.Ten 4 mln 900 myń teńge mólsherinde aıyppul túrindegi jazaǵa tartyldy.

Petropavl qalalyq soty ákimshilik jaýapkershilikke tartylmaǵany úshin júrgizýshilerden birneshe ret para alǵan qalalyq PB batalon polıtseıleri, aǵa serjant P.V. Kýzmınyh jáne polıtsııa kishi serjanty T.E. Hısamýtdınovty kináli dep tanydy. Olardyń árqaısysy 7 jylǵa bas bostandyǵynan aıyryldy.

Joǵaryda atalǵan polıtsııa qyzmetkerleri memlekettik qyzmette laýazymdy qyzmetpen aınalysý jáne arnaıy ataq-shen alý quqyǵynan ómir boıyna aıyryldy.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT