Elimizdiń birneshe qalasynda áskerı orkestrler sherýi ótti
2022 jylǵy 28 mamyr 23:36

Elimizdiń birneshe qalasynda áskerı orkestrler sherýi ótti

ÓSKEMEN. QazAqparat – Almaty, Qaraǵandy, Oral jáne Óskemen qalalarynda Qazaqstan Respýblıkasy Ulttyq ulan Bas qolbasshysynyń júldesi úshin áskerı orkestrler arasynda «Áskerı kerneı» baıqaýy ótti, dep habarlaıdy QazAqparat tilshisi.

QR UU «Shyǵys» óńirlik qolbasshylyǵy baspasóz qyzmetiniń málimetine súıensek, Óskemendegi baıqaýǵa úzdik orkestrlar ujymy qatysty. Atap aıtqanda, Óskemen qalasynyń 5518, Semeıdegi 5511 jáne Pavlodardaǵy 5512 áskerı bólimderi óner kórsetti.

«Bul kúni áskerı orkestr ujymdary klassıkalyq mýzykadan bastap, pop janryndaǵy týyndylaryn usyndy. Baǵdarlama eki kezeńnen turdy. Birinshisinde orkestrler ózderiniń saptyq daıyndyǵyn kórsetetin defıle plats-kontsertin pash etse, ekinshi kezeńde kontserttik baǵdarlamada mýzykalyq talanttary men orkestrdiń sheberligin kórsetti», - deıdi 5518 áskerı bóliminiń orkestr dırıjeri Maksım Nagovıtsyn.


Ulttyq ulanynyń «Áskerı kerneı baıqaýy» osymen 11 jyl qatarynan ótkizilip keledi. Osy ýaqyt aralyǵynda tek Qazaqstan orkestrlary ǵana emes, Qytaı, Reseı syndy birqatar elderden de qatysýshylar bolǵan.

Eki kezeńnen turatyn «Áskerı kerneı» baıqaýynyń fınaly Nur-Sultan qalasynda ótedi.


Jańalyqtar

MURAǴAT