Elimizdiń batys, soltústik jáne ońtústik-shyǵysynda jel kúsheıip, kóktaıǵaq bolady
2022 jylǵy 25 qańtar 06:15

Elimizdiń batys, soltústik jáne ońtústik-shyǵysynda jel kúsheıip, kóktaıǵaq bolady

NUR-SULTAN. QazAqparat - Qazgıdromet 25 qańtarda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Elimizdiń batysynda, soltústiginde jáne ońtústik-shyǵysynda frontaldy bólikter áserinen qar jaýyp, respýblıkanyń batysynda jel kúsheıip, kóktaıǵaq bolady. QR qalǵan bóligine antıtsıklon jotasy óz áserin saqtaıdy – jaýyn-shashynsyz aýa raıy kútiledi. Respýblıka boıynsha keı jerlerde tuman kútiledi.

Túrkistan oblysynyń ońtústiginde, batysynda jáne taýly aýdandarynda tuman kútiledi, taýly aýdandarynda jel 15-20 m/s kúsheıedi.

Túnde Atyraý oblysynyń soltústigi men ortalyǵynda jel 15-20 m/s kúsheıedi. Kúndiz Mańǵystaý oblysynyń batysynda kóktaıǵaq kútiledi.

Aqmola oblysynyń batysynda, soltústiginde, Batys Qazaqstan oblysynyń soltústiginde, Qostanaı oblysynyń soltústigi men shyǵysynda, Soltústik Qazaqstan oblysynyń ońtústiginde, Qyzylorda oblysynyń ońtústigi men ortalyǵynda, Shyǵys Qazaqstan oblysynyń soltústiginde, shyǵysynda, Pavlodar oblysynyń ońtústiginde, shyǵysynda, Jambyl oblysynyń ońtústik-shyǵysynda, taýly aýdandarynda, túnde Almaty oblysynyń soltústiginde, taýly aýdandarynda tuman kútiledi.


Jańalyqtar

MURAǴAT